U Homieli asudzili na piać hadoŭ miascovaha pradprymalnika-palitviaźnia
Homielski abłasny sud 2 kastryčnika vynies prysud pa kryminalnaj spravie miascovaha pradprymalnika Valancina Štermiera. Jaho abvinavacili pavodle č. 1 art. 368 Kryminalnaha kodeksa (abraza Łukašenki), č. 3 art. 361-1 (stvareńnie ekstremisckaha farmavańnia albo ŭdzieł u im) i č. 1 art. 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści), piša «Viasna».
Valancin Štermier. Fota z sacyjalnych sietak
Pavodle praŭładnych telehram-kanałaŭ, palitźniavolenaha Valancina Štermiera zatrymali 9 červienia 2023 hoda za «8 kamientaroŭ na temu rasijskaj ahresii z abrazami hramadzian Rasii», čym jon nibyta «pasprabavaŭ raspalić nacyjanalnuju varožaść». Taksama paviedamlajecca ab pakinutych abrazach u dačynieńni da Łukašenki.
Da aryštu Valancin Štermier byŭ dyrektaram TAA «Avanhardbiznesresurs», a taksama źjaŭlaŭsia zasnavalnikam kamiercyjnych firmaŭ u Rasii.
Sud pryznaŭ Štermiera vinavatym va ŭvachodžańni ŭ skład «ekstremisckaha farmavańnia» ŭ metach ździajśnieńnia «złačynstva ekstremisckaj nakiravanaści» i pryznačyŭ jamu pakarańnie ŭ vyhladzie pazbaŭleńnia voli na termin try hady.
Jon ža pryznany vinavatym u naŭmysnych dziejańniach, skiravanych na ŭzbudžeńnie nacyjanalnaj varožaści pa prykmiecie nacyjanalnaj prynaležnaści, i na padstavie č.1 art. 130 KK jamu pryznačana pakarańnie ŭ vyhladzie pazbaŭleńnia voli na termin 4 hady.
Taksama jon pryznany vinavatym u publičnaj abrazie Łukašenki i na padstavie č. 1 art.368 KK jamu pryznačana pakarańnie ŭ vyhladzie pazbaŭleńnia voli na termin 2 hady.
Šlacham častkovaha składańnia, kančatkova sud pryznačyŭ pakarańnie ŭ vyhladzie pazbaŭleńnia voli na termin piać hadoŭ z adbyvańniem u papraŭčaj kałonii va ŭmovach ahulnaha režymu.
Spravu ŭ zakrytym režymie razhladaŭ sudździa Siarhiej Bahinski.
«Mnie nie soramna ni za adnu siekundu svajho žyćcia». Žurnalist Pavieł Mažejka patłumačyŭ matyvy pavodzin na sudzie
Hrodzienskaha śviatara aštrafavali za padpisku na instahram ziemlaka i zabrali telefon
HUBAZiK zatrymaŭ traktarysta za vympieł z «Pahoniaj»
Palitviaźnia Jahora Lankieviča pieraviali na turemny režym
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?5
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary