Biełaruskaja fiederacyja futboła atrymała poŭny pakiet akcyj «Priessboła»
Siońnia ŭ Domie futboła prajšło pasiadžeńnie vykankama Biełaruskaj fiederacyi futboła, na jakim razhladałasia pytańnie viadučaha drukavanaha spartyŭnaha vydańnia krainy.
Apošnim časam «Priessboł» zaznaŭ surjoznyja finansavyja ciažkaści, u pieršuju čarhu z-za błakavańnia ŭładami dostupu da sajta ŭ červieni. Niadaŭna źjaviłasia infarmacyja, što drukavanaja viersija vydańnia naohuł moža spynić isnavańnie. Usie nadziei byli na Biełaruskuju fiederacyju futboła.
U krasaviku 2013 hoda BFF zavałodała 50 pracentami akcyj TAA «Priessboł-91». Siońnia vykankam vyrašyŭ, što asacyjacyja zaklučyć damovy na kuplu pakinutych dolaŭ «PB», jakija naležali zasnavalnikam haziety — Juryju Arłovu (30 pracentaŭ), Alaksandru Dabryjanu (10 pracentaŭ) i Dźmitryju Bieleńkamu (10 pracentaŭ).
Pieršy numar «Priessboła» vyjšaŭ u studzieni 1991 hoda. Niejki čas hazieta vydavałasia raz na tydzień, potym dva razy na tydzień, vialiki numar u aŭtorak ci paniadziełak, mienšy numar u piatnicu. Z 1998 hoda hazieta niejki čas vydavałasia čatyry razy na tydzień, a potym viarnułasia da farmatu dvojčy na tydzień.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary