Kampanija Dell, najbujniejšy vytvorca persanalnych kampjuteraŭ u śviecie, adklikaje bolš za 4 miljony batarej dla noŭtbukaŭ. Viadoma, što batarei peŭnaj madeli, vypuščanyja firmaj Sony, mohuć zaharecca.
Kampanija Dell, najbujniejšy vytvorca persanalnych kampjuteraŭ u śviecie, adklikaje bolš za 4 miljony batarej dla noŭtbukaŭ. Viadoma, što batarei peŭnaj madeli, vypuščanyja firmaj Sony, mohuć zaharecca.
Amerykanskaja kamisija pa harantavańni biaśpieki spažyvieckich praduktaŭ zajaviła, što heta – najbujniejšaje adklikańnie elektratavaraŭ za ŭsiu historyju jaje isnavańnia.
Bolšaść noŭtbukaŭ, na jakich byli ŭstalavanyja batarei, byli pradadzienyja ŭ ZŠA, ale kala miljona takich kamputaraŭ znachodziacca pa-za miežami ZŠA. Batarei takoha typu znachodziacca na madelach Latitude, Inspiron, XTS i Precision workstation.
Noŭtbuki byli pradadzienyja ŭ pramiežak času pamiž krasavikom 2004 i lipieniem 2006 h. Kampanii viadoma pra šeść vypadkaŭ samaŭzharańnia batarej ad pierahrevu. Usie jany zafiksavanyja paśla śniežnia 2005 h.
Na asobnym sajcie kampanija tłumačyć, jak vyznačyć, ci ŭstalavana na vašym kamputary batareja takoha typu.
Kamisija pa biaśpiecy spažyvieckich praduktaŭ paviedamlaje, što ŭsiaho joj viadoma pra 339 vypadkaŭ uzharańnia lityjevych batarej luboha typu – dla kamputaraŭ i mabilnych telefonaŭ.
Dla Dell heta ŭžo nia pieršaje adklikańnie batarej: u śniežni 2005 h. byli adklikanyja 22 tysiačy, a ŭ 2001 h. - 284 tysiačy. Specyjalisty nie vyklučajuć, što razam ź inšymi prablemami (pa pazasudovym pahadnieńni ŭ minułym hodzie kampanija zapłaciła 338 młn. dalaraŭ za ramont niaspraŭnych kamputaraŭ) hetaje masavaje adklikańnie moža pryvieści da padzieńnia prodažaŭ łeptopaŭ.
Pradstaŭniki Dell i Sony zajavili, što vydatki pa zamienie batarej buduć padzielenyja, ale kolki heta budzie kaštavać, pakul nieviadoma.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary