Murataŭ i Rojzman — tak; Vieniedyktaŭ, Ziuhanaŭ, Sabčak, Jaŭlinski — nie. Navalny adkazaŭ na pytańnie pra adzinaha kandydata ad apazicyi
Alaksiej Navalny prapanavaŭ «pieratvaryć treš u narmalnyja znosiny» i zadaŭ 10 pytańniaŭ ab vybarach 2024 hoda. Svaju stratehiju jon paabiacaŭ pakazać praz try miesiacy, piša «Mieduza».
Rasijski palityk Alaksiej Navalny, jaki znachodzicca ŭ kałonii strohaha režymu, prapanavaŭ pravieści maštabnaje ankietavańnie siarod rasijskich palitykaŭ, žurnalistaŭ i hramadskich dziejačaŭ, kab daviedacca pra ich staŭleńnie da prezidenckaj kampanii ŭ RF u 2024 hodzie. U błohu palityka 17 kastryčnika zjaviłasia publikacyja «10 pytańniaŭ Navalnaha ab vybarach. Davajcie pieratvorym treš u narmalnyja znosiny».
Na dumku Navalnaha, adkazy «luboha palityka» dazvolać «vielmi dakładna razumieć, jaki ŭ jaho płan na vybary i čaho ad jaho možna budzie čakać ci nie čakać».
Siarod pytańniaŭ jość takija:
Ci zjaŭlajucca vybary dla vas niečym značnym?
Ci jość u vas dakładnaja stratehija?
Ci dapuskajecie vy bajkot pry peŭnych abstavinach?
Ci dapuskajecie vy stratehiju hałasavańnia za luboha kandydata suprać Pucina?
Ci dapuskajecie vy, što na vybarach možna budzie abrać adzinaha kandydata ad apazicyi i nakiravać usiu palityčnuju ahitacyju za jaho?
Ci moža być adzinym kandydatam apazicyi Ziuhanaŭ, Słucki, Niačajeŭ, Sabčak, Vieniadziktaŭ, Jaŭlinski, Murataŭ, Rojzman?
Ci hatovyja vy paŭnavartasna vykarystoŭvać svoj YouTube-kanał dla ahitacyi na vybarach? I h. d.
«Dla harantyi abjektyŭnaści» Navalny paprasiŭ hałoŭnaha redaktara telekanała «Dožd́» Cichana Dziadko i vydaŭca «Mieduzy» Halinu Cimčanka praintervjujavać mahčymych klučavych asobaŭ budučych vybaraŭ.
Navalny taksama apublikavaŭ vialiki śpis takich «palityčnych hulcoŭ». Siarod ich, naprykład, Barys Akunin, Dźmitryj Bykaŭ, Illa Varłamaŭ, Leanid Vołkaŭ, Hary Kasparaŭ, Michaił Kaśjanaŭ, Maksim Kac, Julija Łatynina, Alaksandr Niaŭzoraŭ i inšyja.
Taksama Navalny sam adkazaŭ na ankietu.
Na pytańnie, ci jość u jaho dakładnaja stratehija, jon adkazaŭ «nie». Ale paabiacaŭ jaje ahučyć da 15 studzienia 2024 hoda. Jon napisaŭ, što dapuskaje bajkot pry peŭnych abstavinach, a taksama dapuskaje stratehiju hałasavańnia za luboha kandydata suprać Pucina.
Na pytańnie, «ci moža być adzinym kandydatam apazicyi Ziuhanaŭ, Słucki, Niačajeŭ, Sabčak, Vieniadziktaŭ, Jaŭlinski, Murataŭ, Rojzman», Navalny adkazaŭ tak:
— Murataŭ i Rojzman — tak; Vieniadziktaŭ, Ziuhanaŭ, Niačajeŭ, Słucki, Sabčak, Jaŭlinski — nie.
Ciapier čytajuć
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary
V to vriemia kak Pieskov priamym tiekstom hovorit "u nas niet vyborov, jesť dorohostojaŝaja biurokratija" i "Putin točno vyihrajet vybory".