U Śvietłahorskim rajonie zatrymali dvuch bratoŭ za zamienu łukašenkaŭskaha ściaha na ŭkrainski
U rabočym pasiołku Sasnovy Bor Śvietłahorskaha rajona ŭ noč z 13 na 14 kastryčnika niechta pierarezaŭ drot fłahštoka na miascovaj płoščy, źniaŭ čyrvona-zialony ściah, jaki na im visieŭ, i vykinuŭ u śmietnicu, a zamiest jaho prymacavaŭ ściah Ukrainy. «Homielskaja viasna» daviedałasia, što suprać ludziej, jakija nibyta heta zrabili, užo zaviali kryminalnuju spravu pa art. 370 (ździek ź dziaržaŭnych simvałaŭ) Kryminalnaha kodeksa Biełarusi.
Padazravanym akazaŭsia 41-hadovy Valeryj Samsonienka, jaki raniej pracavaŭ u Śvietłahorskim rajonnym adździele nadzvyčajnych situacyj, ale praź niekatory čas zvolniŭsia adtul.
U kvatery pa miescy žycharstva Valeryja Samsonienki i jahonaha brata Ihara Samsonienki byŭ praviedzieny vobšuk. U adnym z pakojaŭ na ścianie nibyta visieŭ bieła-čyrvona-bieły ściah z vyjavaj «Pahoni».
Ciapier abodva mužčyny zatrymanyja. Viadoma, što Ihar Samsonienka atrymaŭ 7 sutak administracyjnaha aryštu, ale nieviadoma pa jakim artykule KaAP Biełarusi. U adnosinach da Valeryja pytańnie ab prymianieńni miery strymańnia vyrašajecca.
«Skazała, što choča, kab mianie pabili». Biełarusa zdała HUBAZiKu byłaja dziaŭčyna, dasłaŭšy jahonaje fota z pratestaŭ
Zatrymali ŭdzielnicu žanočaha łancuha salidarnaści i dvuch mužčyn, jakija razdavali kvietki
Za danaty biełaruskim dobraachvotnikam va Ukrainie prahramistu dali šeść hadoŭ kałonii
Dzianisa Chachłova, jakoha zatrymali ŭ Kabardzina-Bałkaryi i vydvaryli z Rasii, buduć sudzić za ŭdzieł u pratestach
Ciapier čytajuć
Dačka Nadziei Jermakovaj pastaŭlaje rybu ŭ kałonii, balnicy i siłavikam2
Kamientary