Stała viadoma, nakolki pavialičycca kamunałka ŭ Minsku ŭ nastupnym hodzie
Na Nacyjanalnym pravavym internet-partale apublikavanaja pastanova, jakaja vyznačaje taryfy žyllova-kamunalnych pasłuh dla Minska na 2024 hod. Usie pazicyi vyrastuć bolš čym na 10%.
Samaja važnaja pazicyja — aciapleńnie i haračaja vada — vyraście adrazu na 18 rubloŭ i składzie 156,58 rubla za 1 Hkał.
Košt chałodnaj vady pavialičycca da 1,4799 rubla, u 2023 hodzie było 1,2479.
Za absłuhoŭvańnie žyłoha doma treba budzie zapłacić 0,19 rubla za «kvadrat», a pasłuhi lifta abyducca ŭ 0,08 rubla za kvadratny mietr svajoj kvatery. Płata za kubamietr adviedzienych ściokaŭ u kanalizacyju spyniłasia taksama na adznacy 0,08 rubla.
Źjavilisia rascenki i dla tavarystvaŭ ułaśnikaŭ žylla. Jany pavialičylisia ŭ miežach 10-15%.
Kamientary