Pravaabaronca Leanid Sudalenka atrymaŭ novuju infarmacyju pra palitźniavolenuju žurnalistku Łarysu Ščyrakovu, asudžanuju ŭ žniŭni da troch z pałovaj hadoŭ kałonii. Jak piša Sudalenka ŭ fejsbuku, u homielskaj kałonii žurnalistka pracuje švačkaj.
«Na zdaroŭje nie skardzicca, kaža, što z usimi tam užo paznajomiłasia. Pieradaje pryvitańnie i padziaki za padtrymku! Spadziajecca, što termin da kanca adbyvać nie daviadziecca (žartuje, što ŭ jaje płany heta nie ŭvachodzić)…
Taksama Łarysa paviedamlaje, što adnu vialikuju pieradaču (da 50 kh raz na try miesiacy) jana ŭžo zmahła atrymać, u tym liku ź vielmi patrebnymi joj tamaka rečami. Choča chutkim časam atrymać sutačnaje (da 3-ch sutak) spatkańnie z synam», — napisaŭ Sudalenka.
Łarysu Ščyrakovu zatrymali ŭviečary 6 śniežnia 2022 hoda paśla pieratrusu ŭ jaje domie ŭ Homieli. Jaje niepaŭnaletniaha syna źmiaścili ŭ prytułak. Były muž palitźniavolenaj, jaki apošnija hady žyŭ u Rasii, sabraŭ nieabchodnyja dakumienty i 23 śniežnia zabraŭ Śviatasłava. Inšym svajakam chłopčyka nie addavali.
Spačatku na Łarysu zaviali kryminalnuju spravu pavodle art. 369-1 KK (dyskredytacyja Respubliki Biełaruś) i źmiaścili ŭ homielski SIZA №3. 31 žniŭnia 2023 hoda joj vynieśli prysud — 3 z pałovaj hady kałonii.
Ciapier čytajuć
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary