Ekśpiert vybačyŭsia za svoj kamientar «Našaj Nivie». Što zdaryłasia?
Siońnia ŭ «Našaj Nivie» vyjšaŭ artykuł «Belita vypuściła hiel dla duša, jaki «ŭpłyvaje na emocyi». Navukoviec: «Heta infacyhanstva». Ekśpiertam u im vystupaŭ chimik Siarhiej Biesarab, jaki ŭžo paśla vychadu artykuła zaŭvažyŭ u im niepalitkarektny vyraz, za jaki vykazaŭ publičnaje prabačeńnie.
Navukoviec narakaje, što prakamientavaŭ temu zanadta emacyjna:
«Dobra b prosta emacyjna, ale ž z vykarystańniem vyrazaŭ, jakija raspalvajuć nacyjanalnuju varožaść: «Hetyja hieli — absalutna tannaje infacyhanstva, jakoje ekspłuatuje zvyčajny fizijałahičny efiekt».
I paśla taho Biesarab tłumačyć, za što mienavita jamu ciapier soramna. Heta vykarystany termin
«infacyhanstva» — «nieałahizm, termin z kalakampjutarnaha słenhu. Aznačaje jon ludziej, jakija pradajuć infarmacyjnyja pradukty, što nie majuć nijakaj praktyčnaj kaštoŭnaści».
Užo paśla taho, jak Siarhiej Biesarab užyŭ u kamientary hetaje akreśleńnie i pabačyŭ jaho ŭ druku, jon zrazumieŭ, što jano abražaje ceły narod. U suviazi z hetym:
«Prynošu svaje ščyryja prabačeńni ŭsim pradstaŭnikam naroda — romy/ramałe — za svaju niastrymanaść. Abiacaju, što ŭsimi siłami pasprabuju hety rasiscki nieałahizm sa svajho leksikonu nazaŭždy zžyć».
«Važna heta najpierš tamu, što ja chaču być sumlennym z saboj.
Nie byvaje lepšaha rasizmu i horšaha rasizmu. Jość prosta rasizm. Nielha «adnoj rukoj» asudžać antysiemityzm, a druhoj prynižalna adhukacca pra inšy narod.
Asabliva heta nieprymalna dla navukova-techničnaha śpiecyjalista. Słova — nie vierabiej…», — zaviaršaje svajo publičnaje prabačeńnie navukoviec.
«Maje znajomyja robiać u Akademii raźliki dla rasijskich rakiet». Što adbyvajecca ź biełaruskaj navukaj
Biełaruś naroščvaje zdabyču nafty i vykarystoŭvaje novuju technałohiju. Što za jana?
Chimik Siarhiej Biesarab patłumačyŭ, što nie tak ź BiełAES i jakaja pieradavaja technałohija vykarystoŭvajecca Ukrainaj u vajnie
Čarviaki pad skuraj jak u filmach žachaŭ. Navukoviec tłumačyć, što takoje dyrafilaryjoz, jaki raspaŭsiudžvajecca na Homielščynie
Kamientary