Minabarony papiaredziła biełarusaŭ pra «administracyjku» za niapravilna padadzieny numar telefona
Pieršy namieśnik ministra abarony, načalnik Hienieralnaha štaba Uzbrojenych sił Biełarusi Viktar Hulevič pryhraziŭ biełaruskim pryzyŭnikam administracyjnym pakarańniem za niapravilna paznačany va ŭlikovych źviestkach numar telefona.
U zakonaprajekcie «Ab źmianieńni zakonaŭ pa pytańniach zabieśpiačeńnia nacyjanalnaj biaśpieki», jaki ŭžo pryniaty ŭ pieršym čytańni Pałataj pradstaŭnikoŭ, praduhledžanaja norma, što abaviazvaje biełarusaŭ, jakija stajać na vajskovym uliku, infarmavać vajenkamat pra źmienu svajho abanienckaha numara ŭ sietcy apierataraŭ elektrasuviazi ŭ tydniovy termin. Pra heta raskazaŭ namieśnik ministra abarony i načalnik Hienieralnaha štaba Viktar Hulevič, pradstaŭlajučy 1 listapada zakonaprajekt u Pałacie pradstaŭnikoŭ.
Hulevič zajaviŭ, što tych, chto sam nie paviedamić pra źmienu kantaktnaha numara, płanujuć pryciahvać da administracyjnaj adkaznaści.
«U vypadku ŭźniknieńnia pytańniaŭ, źviazanych z adkaznaściu vajennaabaviazanych, vajennym kamisaram mabilnamu apierataru budzie nakiroŭvacca adpaviedny zapyt. Abaviazak apieratara davać źviestki ab abanienckich numarach ustanoŭleny ŭ razhladanym zakonaprajekcie», — rastłumačyŭ Hulevič.
Taksama raniej stała viadoma, što Saviet Ministraŭ Biełarusi prapanavaŭ zakanadaŭča zamacavać mahčymaść vykliku biełaruskich pryzyŭnikoŭ u vajenkamat z dapamohaj SMS-paviedamleńniaŭ.
Adnak, pa słovach Viktara Huleviča, pryraŭnoŭvacca da tradycyjnych pozvaŭ jany buduć tolki ŭ vajenny čas.
Akramia taho, u hetym ža zakonaprajekcie prapanujecca pavysić štrafy za parušeńni suprać paradku prypiski biełarusaŭ da pryzyŭnych učastkaŭ, pryzyvu na vajskovuju słužbu i vajskovaha ŭliku.
Pozva pa SMS — jurysty tłumačać, što chočuć źmianić u zakonie. Jość važnyja momanty
Vajennaabaviazanych čakajuć źmieny. Jany tyčacca słužby pa kantrakcie i adterminoŭki ad mabilizacyi
Uchilicca ad pozvy bolš nie atrymajecca, a pryzyvać u vojska buduć pa SMS — rychtujucca źmieny ŭ zakanadaŭstvie
«Vierchniaja piatla pravaj častki varot adarvałasia, i varoty ŭpali na staršaha lejtenanta». Belpol daviedaŭsia pra budni «12-j armii śvietu»
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary