Pinievič nazvaŭ piacihadovuju adpracoŭku paśla ardynatury spraviadlivaj
Ministr achovy zdaroŭja prakamientavaŭ pavieličeńnie terminu adpracoŭki paśla ardynatury.
U zakanadaŭstva ab achovie zdaroŭja ŭnosiacca źmieny nakont ardynatury. Terminy prachodžańnia padrychtoŭki ŭ ardynatury składuć ad dvuch da piaci hadoŭ u zaležnaści ad śpiecyjalnaści. Daktary, jakija prajšli padrychtoŭku ŭ ardynatury ŭ vočnaj i zavočnaj formie za košt biudžetu, buduć padlahać raźmierkavańniu ŭ dziaržaŭnyja arhanizacyi achovy zdaroŭja z adpracoŭkaj abaviazkovaha terminu nie mienšaha za piać hadoŭ.
«Terminy ardynatury padoŭžanyja, uvachod na niekatoryja śpiecyjalnaści budzie tolki praz ardynaturu. Dumaju, spraviadliva, kali ty atrymlivaješ vysokatechnałahičnuju śpiecyjalnaść za košt biudžetu i tabie dziaržava daje mahčymaść stać vysokaha kłasa śpiecyjalistam, jakim stanoviacca na Zachadzie za značna daŭžejšy čas, adpracavać hety termin u toj ustanovie achovy zdaroŭja, kudy ciabie pašle radzima, pa śpiecyjalnaści, jakuju abraŭ», — cytuje Pinieviča BiełTA.
Pavodle jaho słoŭ, heta robicca zychodziačy z taho, što padrychtoŭka miedykaŭ, jak i lubych inšych śpiecyjalistaŭ, jakija navučajucca za košt biudžetnych srodkaŭ, dastatkova zatratnaja dla dziaržavy. Ministr taksama źviarnuŭ uvahu na prablemu niedachopu kadraŭ u miedycynskaj halinie, ale adznačyŭ, što heta datyčycca nie tolki Biełarusi.
Jon taksama nahadaŭ, što ŭ krainie ŭžo daŭno isnuje metavaja padrychtoŭka budučych miedykaŭ, adpracoŭka paśla jakoj — piać hadoŭ.
Ciapier čytajuć
Aryštavany viadomy nieŭrołah Rusłan Badamšyn. Jon byŭ na chatniaj chimii8
Kamientary