U Bondaravaj źjaviŭsia niečakany vorah — prapahandyst Prydybajła
Prapahandyst RT Kanstancin Prydybajła nie zmoh prajści mima dziejnaści prarasijskaj aktyvistki Volhi Bondaravaj. Jaje zmahańnie z tortami ź viasiołkami padałosia tryźnieńniem navat jamu.
«Patryjotka» ŭ Biełarusi viadzie vajnu ź biskvitnymi pienisami i viasiołkaj na dziciačych tartach, — napisaŭ u svaim telehram-kanale Kanstancin Prydybajła. —
Časam idyjotaŭ treba izalavać ad hramadstva, navat kali jany abmazanyja z noh da hałavy «patryjatyzmam». Heta škodnictva i idyjatyzm, a nie patryjatyzm.
Mienavita hetyja turbapatryjoty z adnoj niahnutkaj źvilinaj pryviaduć nas da toj samaj «Paŭnočnaj Karei». Ludzi vajujuć z usim, što im nie padabajecca abo z tym, čaho jany nie razumiejuć z-za roznych pryčyn. Heta ŭ ich styli pisać skarhi na fiestyvali, dzie apranajucca ŭ lubimych hierojaŭ filmaŭ, komiksaŭ i hulniaŭ. A čym adroźnivajucca rekanstruktary VAV? Ničym».
Prapahandyst vykazaŭsia, što takija piersanažy tolki paharšajuć mif, što ŭ SSSR seksu nie było.
«Padobnyja «achoŭniki i patryjoty» horšyja za vorahaŭ. A viasiołka na torcie nikoha jašče nie zrabiła p******am, tym bolš tort u vyhladzie čelesa na dziavočniku nie robić dziaŭčatak leśbijankami, chutčej naadvarot».
Nahadajem, raniej niekatoryja prychilniki Łukašenki ŭžo aburalisia dziejnaściu Bondaravaj, bo jaje pastajannyja danosy zaminajuć dziaržaŭnym orhanam narmalna pracavać. Suprać jaje vystupała hrodzienskaja aktyvistka «Biełaj Rusi» Śviatłana Varanica, niekatoryja ananimnyja łukašysckija kanały. Razam z tym, patrabavańni Bondaravaj praciahvajuć vykonvać.
Ciapier čytajuć
U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku4
U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary