Žančyna padpaliła dva aŭto i kvateru — usio pa prośbie telefonnych machlaroŭ
U Breście zatrymali 44-hadovuju žančynu, jakaja padpaliła dva aŭto, a paśla padpaliła niešta ŭ padjeździe žyłoha doma i ŭ kvatery. Na heta jaje padšturchnuli telefonnyja machlary.
Bieraściejka raspaviała milicyi: pieršapačatkova jaje 21-hadovy syn paśla razmovy ŭ miesiendžary ź nieznajomcam uziaŭ niekalki kredytaŭ, a hrošy pieravioŭ na nazvany im rachunak. Chłopiec byŭ upeŭnieny, što ŭdzielničaje ŭ śpiecapieracyi pravaachoŭnych orhanaŭ.
Zatym złamyśniki patelefanavali samoj žančynie i pad psichałahičnym ciskam pierakanali pasadziejničać u anałahičnaj śpiecapieracyi. Uzamien paabiacali: pieraličanyja jaje synam hrošy viernuć. Bieraściejka pradała kvateru i vyručku pieraviała ašukancam. U sumie siamja straciła bolš za 100 tysiač rubloŭ.
Praź niekatory čas psieŭdasiłaviki znoŭ źviazalisia z žančynaj i paabiacali dapamahčy viarnuć stračanyja hrošy. Uzamien jana pavinna była vyrabić kaktejli Mołatava i ździejśnić padpały. Abaviazkovaj umovaj było ŭsio zdymać na videa.
MUS paviedamlaje, što machlary telefanavali z terytoryi Ukrainy. Heta nie adzinkavy taki vypadak. Anałahičnaje zdarałasia ŭ Viciebskaj, Mahiloŭskaj i Hrodzienskaj abłaściach.
Ministerstva dadaje, što vystupiła z zakanadaŭčaj inicyjatyvaj i paśla ŭstupleńnia ŭ zakonnuju siłu adpaviednaha ŭkaza Łukašenki zmoža błakavać sumnieŭnyja frodavyja apieracyi i nie dapuskać pieravod hrošaj za miežy krainy.
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary