«Biełaruśkalij» choča adsudzić u Litvy miljard dalaraŭ za zabaronu pieravozki kalijnych uhnajeńniaŭ
Jak paviedamlaje telekanał tv3, «Biełaruśkalij» pačaŭ inviestycyjny arbitražny praces suprać Litvy i patrabuje kampiensacyi strat na sumu kala 1 młrd jeŭra biez uliku pracentaŭ i sudovych vydatkaŭ, źviarnuŭ uvahu prajekt «Motolko Pomohi».
U Mintransie Litvy žurnalistam paćvierdzili, što praces pačaŭsia, ale ad dalejšych kamientaroŭ ustrymalisia.
«Tak, paćviardžajem. Kab nie naškodzić chadzie pracesu i pazicyi Litoŭskaj Respubliki, my nie možam na hetym etapie davać jakija-niebudź dalejšyja kamientary», — paviedamili ŭ viedamstvie.
«Biełaruśkalij» ličyć, što Litva, pryznaŭšy niesapraŭdnaj damovu na pieravozku hruzaŭ pamiž Lietuvos geležinkėliai («Litoŭskaj čyhunkaj») i «Biełaruśkalijem», što paciahnuła zabaronu na pieravozku hruzaŭ praź Litvu i ŭ Kłajpiedski port, tym samym parušyła damovu ad 1999 hoda ab abaronie inviestycyj i naniesła kampanii škodu.
Litoŭski ŭrad pryniaŭ rašeńnie razarvać kantrakt pa pieravozcy kalijnych uhnajeńniaŭ z «Biełaruśkalijem» u pačatku 2022 hoda. Rašeńnie ŭstupiła ŭ siłu 1 lutaha 2022-ha.
Ciapier čytajuć
Za padpisku na kanały treš-błohiera Mełstroja ciapier buduć karać5
Za padpisku na kanały treš-błohiera Mełstroja ciapier buduć karać
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary