Stała viadoma, jak Łukašenka adreahavaŭ na admovu Pašyniana pryjechać na Radu ADKB — paraiŭ tamu surjozna padumać
U Minsku raspaviali pra reakcyju Łukašenki na admovu Pašyniana pryjechać na siesiju Rady kalektyŭnaj biaśpieki ADKB, jakaja projdzie 23 listapada ŭ Biełarusi.
Jak raspaviała pres-sakratar Natalla Ejsmant, Łukašenka spakojna pastaviŭsia da admovy premjera Armienii Nikoła Pašyniana ad pryjezdu na samit ADKB u Minsk, ale «prapanavaŭ nie prymać paśpiešnych rašeńniaŭ».
Pavodle słoŭ Ejsmant, Łukašenka
«prapanavaŭ premjer-ministru Armienii nie śpiašacca, nie prymać paśpiešnych rašeńniaŭ, a surjozna abdumvać nastupnyja kroki, jakija mohuć być nakiravanyja na dezyntehracyju».
Armienija ŭvachodzić u prarasijskuju Arhanizacyju Damovy ab kalektyŭnaj biaśpiecy, i jaje kiraŭnictva ŭ 2020 hodzie ŭ pytańniach mižnarodnaj palityki ŭ SND išło ŭ farvatary Kramla.
Nikoł Pašynian byŭ adnym ź pieršych, chto ŭ žniŭni 2020 hoda pavinšavaŭ Łukašenku z «pieramohaj» na sfalsifikavanych prezidenckich vybarach.
Ale ŭ suviazi z tym, što Rasija i ADKB admovilisia niečym dapamahać Armienii ŭ situacyi, kali Azierbajdžan staŭ vyrašać daŭni terytaryjalny kanflikt u Nahornym Karabachu siłavymi mietadami, adbyvajecca faktyčny sychod Armienii z rasijskaj śfiery ŭpłyvu.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka7
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2929
Kamientary