Pazaŭčora byŭ apošni dzień apłaty majomasnych padatkaŭ. Što budzie, kali nie zapłaciŭ?
U listapadzie biełarusy płaciać majomasnyja padatki: na nieruchomaść, ziamlu i transpart. Pryčym raźličycca treba było 15 listapada ŭklučna.
Naprykład, padatak naličyli tym, chto vałodaje žyłymi damami, kvaterami, sadovymi damkami. Jak i ŭ vypadku ź ziamielnym padatkam, vyzvalajucca ad apłaty šmatdzietnyja siemji, piensijaniery, invalidy I i II hrup i niekatoryja inšyja katehoryi hramadzian. Ale jość niuans: naprykład, kali ŭ šmatdzietnaj siamji kamuści ź dziaciej užo spoŭniłasia 18 hadoŭ, to lhoty nie budzie. Invalidy i piensijaniery majuć prava na lhotu tolki ŭ dačynieńni da adnoj kvatery.
Transpartny padatak płaciać tyja, kamu naležać zarehistravanyja ŭ DAI aŭtamabili, matacykły i inšyja vidy transpartnych srodkaŭ, jakija byli vypuščanyja paśla 1992 hoda. Da 2025 hoda nie płaciać padatku ŭładalniki elektramabilaŭ. Piensijaniery, invalidy I i II hrup i šmatdzietnyja płaciać tolki 50% padatku, a invalidy III hrupy majuć źnižku ŭ pamiery 25%. Ale tolki pry ŭmovie, što ŭ ich jość dziejnyja pravy kiroŭcy.
Suma padatku zaležyć ad dazvolenaj maksimalnaj masy aŭtamabila.
Ale što rabić, kali vy nie zapłacili, abo nie paśpieli zapłacić?
Pa-pieršaje, za kožny dzień praterminoŭki ciapier naličvajecca pienia. Jana zaležyć ad staŭki refinansavańnia Nacbanka, jakaja dziejničaje ŭ toj čas, pakul vy nie płacicie padatku, piša Office Life.
Pa-druhoje, za niavypłatu majomasnych padatkaŭ praduhledžany štraf ad 0,5 da 10 bazavych vieličyń (ad 18,5 da 370 rubloŭ na hety momant).
Pa-treciaje, złosnyja niepłacielščyki ryzykujuć dačakacca taho, što padatkovaja pačnie spahaniać sumu padatku prymusova. A ŭžo słužba prymusovaha vykanańnia moža śpisać hetyja hrošy z vašaj karty, adpravić vykanaŭčy list na pracu, kab hrošy śpisali z zarobku. Akramia taho, u arsienale sudovych vykanaŭcaŭ jość takija mietady, jak časovaje abmiežavańnie na vyjezd za miažu, časovaja zabarona na kiravańnie transpartnym srodkam i h. d.
-
«Usie prymiežnyja parkoŭki zabityja furami ź litoŭskimi numarami». Łukašenka ŭvioŭ dadatkovyja abmiežavańni dla litoŭskich pieravozčykaŭ
-
U Biełarusi voźmucca za bankaŭskija kamisii. Abiacajuć, što niekatoryja ź ich źniknuć
-
Inflacyja nie bolš za 7%: zaćvierdžanyja asnoŭnyja ekanamičnyja pakazčyki na nastupny hod
Ciapier čytajuć
Najbujniejšuju sietku fastfudu ŭ Biełarusi adkryŭ vychadziec z KDB3
Najbujniejšuju sietku fastfudu ŭ Biełarusi adkryŭ vychadziec z KDB
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno1919
Kamientary