Minharvykankam: Pieradnavahodniaha pavyšeńnia cen być nie pavinna!
U Minsku napiaredadni Novaha hoda nieabhruntavanaha pavyšeńnia cen nie pavinna być.
Pra heta zajaviŭ v.a.staršyni Minharvykankama Mikałaj Ładućka siońnia na apieratyŭnaj naradzie ŭ meryi, zasłuchoŭvajučy dakład načalnika cenavaha ŭpraŭleńnia harvykankama Iosifa Račyckaha ab situacyi z cenami na spažyvieckim rynku horada.
«Siońnia padstaŭ dla rostu cen niama. Tamu nieabchodna pravieści hutarki z kiraŭnikami handlovych abjektaŭ z tym, kab jany pavialičvali abjom prodažaŭ nie za košt rostu cen, a naadvarot, ich źnižeńnia», — skazaŭ Mikałaj Ładućka.
U svaju čarhu Iosif Račycki paviedamiŭ, što dziakujučy rasprodažam inflacyja ŭ Minsku za listapad skłała mienš za 0,3 pracenta. «U cełym situacyja stabilnaja. Ustanoŭleny paramietr inflacyi 9‑11 pracentaŭ my vytrymlivajem — za 11 miesiacaŭ hoda indeks spažyvieckich cen u stalicy skłaŭ 8,6 pracenta», — skazaŭ pradstaŭnik profilnaha ŭpraŭleńnia harvykankama. Razam z tym jon vykazaŭ dumku, što nievialikija vahańni cen usio‑taki buduć pa tych hrupach tavaraŭ, na jakija jość svabodnyja ceny.
Kamientary