U Biełarusi za 11 miesiacaŭ 2009 hoda pa vinie niećviarozych kiroŭcaŭ adbyłosia 909 DTZ z paciarpiełymi, u jakich 193 čałavieki zahinuli, 1.097 — paranieny, paviedamili va ŭpraŭleńni DAI MUS.
24 śniežnia ŭ krainie projdzie adziny dzień biaśpieki darožnaha ruchu pad devizam «Spyni biadu!», pryśviečany prafiłaktycy darožna‑transpartnych zdareńniaŭ, vinavatymi ŭ jakich źjaŭlajucca niećviarozyja vadzicieli.
Pavodle źviestak DAI, za piatnicu i vychadnyja dni, 18—20 śniežnia, u darožnych avaryjach u Biełarusi zahinuli piać čałaviek. Adbylisia try najezdy na piešachodaŭ, adno łabavoje sutyknieńnie, adzin najezd na pieraškodu. Tak, 18 śniežnia ŭ Mahilovie pryblizna ŭ 21.25 28‑hadovy miascovy žychar, kirujučy aŭtamabilem «Opiel‑Zafira», niapravilna vybraŭ chutkaść i nie spraviŭsia z kiravańniem. U vyniku aŭtamabil udaryŭsia ŭ aporu puciepravoda, kiroŭca zahinuŭ.
Usiaho za try dni zafiksavana 58 DTZ z paciarpiełymi, u jakich ranieńni atrymali 58 čałaviek. Vinavatym u adnym z DTZ źjaŭlajecca kiroŭca, jaki znachodziŭsia ŭ stanie ałkaholnaha apjanieńnia. Zatrymana 289 vadzicielaŭ za kiravańnie transpartam u stanie ałkaholnaha apjanieńnia.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ9
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary