Usiaho patrochu55

Mastak Benksi paćvierdziŭ svajo sapraŭdnaje imia — Bi-bi-si

Ahienctva Bi-bi-si siońnia vykłała intervju z suśvietna viadomym vuličnym mastakom pad psieŭdanimam Benksi, jakoje ładziłasia 20 hadoŭ tamu. U im mastaka paprasili paćvierdzić adnu zdahadku nakont jaho sapraŭdnaha imia, i toj jaje paćvierdziŭ. Raskazvajem, jakoje imia było nazvana.

Kadr z repartažu telekanała ITV London za 2003 hod, na jakim, vierahodna, pakazany Benksi. Fota: ITV News

Aŭdyjaintervju 20-hadovaj daŭniny pad nazvaj «The Lost Banksy Story» («Źnikłaja historyja Benksi»), vykładzienaje siońnia na BBC Sounds i pryśviečanaje suśvietna viadomamu mastaku Benksi, źmiaščaje ŭ sabie ŭryvak, u jakim mastak paćviardžaje zdahadku pra svajo sapraŭdnaje imia.

Adbyłosia heta padčas adkazu na pytańnie, jakoje zadaŭ mastaku ŭžo były žurnalist Bi-bi-si Najdžeł Renč, jaki sustreŭ Benksi na jaho pieršaj vystavie ŭ Łondanie ŭ 2003 hodzie.

Renč spytaŭ, ci moža jon padčas intervju źviartacca da Benksi pa jaho sapraŭdnym imieni, jakoje na toj momant užo było ahučana vydańniem The Independent.

Renč: Ci ty nie suprać, što ja budu nazyvać ciabie pa imieni? Ja maju na ŭvazie toje, jakoje raniej ahučvała The Independent?

Benksi: Nie suprać.

Renč: Ty Robiert Benks?

Benksi: Prosta Robi.

Renč: Robi. Dobra, Robi.

Nahadajem, što Benksi — heta samy viadomy hrafici-mastak u śviecie. Chto chavajecca za psieŭdanimam, dakładna nieviadoma. U 2017 hodzie brytanski dydžej Goldie prahavaryŭsia pra sapraŭdnaje imia Benksi i taksama nazvaŭ jaho Robiertam.

Za hod da hetaha brytanski žurnalist Krejh Uiljams vysunuŭ teoryju ab tym, što Benksi — heta zasnavalnik tryp-chop hrupy Massive Attack (i siabar dydžeja Goldie) Robiert Del Naja. Uiljams vyśvietliŭ, što mnohija pracy Benksi źjaŭlalisia ŭ tych miescach, dzie ŭ hety ž čas vystupali Massive Attack. Del Naja pačaŭ zajmacca hrafici ŭ 80-ch hadach, jon uvachodziŭ u hrafici-hurt The Wild Bunch z Brystala. Sam muzykant niekalki razoŭ zajaŭlaŭ, što Benksi — jahony blizki siabar.

U toj ža čas navukoŭcy z Łondanskaha ŭniviersiteta karalevy Maryi śćviardžali, što ananimny mastak — heta žychar Brystala Robin Kaninhiem. 

Darečy, jak adznačaje vydańnie The Independent, mienavita hetaje imia fihuruje ŭ niadaŭnim sudovym pazovie suprać Benksi i jaho kampanii Pest Control Ltd, u jakim brytanski pradprymalnik Endru Hałahier abvinavačvaje mastaka ŭ paklopie. Robin Kaninhiem byŭ paznačany ŭ pazovie jak pieršy adkazčyk u spravie.

Kamientary5

  • Josik
    21.11.2023
    mikola, čamu, raskažy, kali łaska, čamu ty jaho tak nazvaŭ? Jon nikoha nie źniščaje, ni da čaho drennaha nie zaklikaje.
  • Bahdan
    21.11.2023
    mikola, navošta vy vyrašyli pierad nami ŭsimi pradstavicca?
    • mikola ramanau
      21.11.2023
      Bahdan, / zapozna usio....na mjazy moguc sustrec Voragi...
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Na trasie pad Minskam kiroŭca źbiŭ maładoha tryjatłanista i ŭciok, pakinuŭšy chłopca pamirać1

Na trasie pad Minskam kiroŭca źbiŭ maładoha tryjatłanista i ŭciok, pakinuŭšy chłopca pamirać

Usie naviny →
Usie naviny

Amierykanski žurnalist Šuster padaryŭ Łukašenku bijahrafiju Zialenskaha6

Azierbajdžan rychtuje adkaz na ŭdary Rasii pa azierbajdžanskich naftahazavych abjektach va Ukrainie13

Troje darosłych zahinuli, piaciora dziaciej u balnicy — strašnaja avaryja na Hrodzienščynie1

Namieśnik kiraŭnika Administracyi Pucina zaklikaŭ jaho spynić vajnu8

Novyja pryznačeńni ŭ Abjadnanym pierachodnym kabiniecie17

U Minsku adkryłasia kafe, dzie kormiać jak na borcie samalota10

«Vaša prava — adyści z dystancyi». Łatuška adkazaŭ tym, chto krytykuje demsiły37

Ukrainskija vajskoŭcy vyzvalili siało ŭ Sumskaj vobłaści, jakoje miesiac było pad akupacyjaj8

«Nakolki naša burbałka z pahardaj stavicca da zvyčajnych biełarusaŭ». U fejsbuku spračajucca pra Maksa Karža102

bolš čytanych navin
bolš łajkanych navin

Na trasie pad Minskam kiroŭca źbiŭ maładoha tryjatłanista i ŭciok, pakinuŭšy chłopca pamirać1

Na trasie pad Minskam kiroŭca źbiŭ maładoha tryjatłanista i ŭciok, pakinuŭšy chłopca pamirać

Hałoŭnaje
Usie naviny →

Zaŭvaha:

 

 

 

 

Zakryć Paviedamić