Brytanski dydžej Goldie 22 červienia davaŭ intervju na padkaście Distraction Pieces. I vypadkova nazvaŭ imia ananimnaha hrafici-mastaka Benksi.
«Napišycie hrafici-šryftam na futbołcy «Benksi» — i ŭsio, hatova, možna pradavać. Pry ŭsioj pavazie da Robierta, ja dumaju, jon vydatny mastak, jon źmianiŭ śviet mastactva», - zajaviŭ Goldie.
Benksi — samy viadomy hrafici-mastak śvietu. Chto chavajecca za psieŭdanimam, dakładna nieviadoma. Vosieńniu 2016 hoda brytanski žurnalist Krejh Uiljams vysunuŭ teoryju ab tym, što Benksi — heta zasnavalnik tryp-chop hrupy Massive Attack (i siabar dydžeja Goldie) Robiert Del Naja. Uiljams vyśviatliŭ, što mnohija pracy Benksi źjaŭlalisia ŭ tych miescach, dzie ŭ hety ž čas vystupali Massive Attack. Del Naja pačaŭ zajmacca hrafici ŭ 80-ch hadach, jon uvachodziŭ u hrafici-hurt «The Wild Bunch» z Brystala. Muzykant niekalki razoŭ zajaŭlaŭ, što Benksi — jaho blizki siabar.
Raniej navukoŭcy z Łondanskaha univiersiteta karalevy Maryi śćviardžali, što ananimny mastak - heta žychar Brystala Robin Haninhiem.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami2
Kamientary