Ćvi Bichman parušyŭ mihracyjnaje zakanadaŭstva — mieŭ praterminavany dazvoł na žycharstva, piša Blizko.by.
Ćvi Bichman naradziŭsia ŭ Mahilovie. U 1990 hodzie repatryjavaŭsia ŭ Izrail, słužyŭ u izrailskaj armii, skončyŭ fakultet matematyki i prahramavańnia Bar-iłanskaha ŭniviersiteta. Z 2010 hoda vykładaŭ dla ruskamoŭnych jaŭrejaŭ u Rasii i Biełarusi. U 2013—2015 hadach vykonvaŭ abaviazki hałoŭnaha rabina Biełarusi. Apošnim časam razam ź siamjoj žyŭ u Maskvie, pracavaŭ vykładčykam i trenieram.
«Ja prajšoŭ navučańnie ŭ samych krutych miescach u Maskvie: instytut psichaanalizu, śpiecyjalizacyja — psichołah charčovych pavodzinaŭ i nutrycyjołah, kaledž fitnesu i bodzibiłdynhu imia Viejdera, śpiecyjalizacyja — trenier fitnesu i bodzibiłdynhu, — raspaviadaŭ pra siabie ŭ sacsietkach Bichman. — Ja viedaju vielmi šmat ab charčavańni i treniroŭkach.
«Mahu dapamahčy vam vybudavać harmaničnyja adnosiny z ułasnym ciełam, ź ježaj i fizičnaj aktyŭnaściu. Ja mahu skłaści vam luboje mieniu, navučyć vas kuplać pradukty i hatavać. Ja mahu źmianić vašu žyćcio ŭ lepšy bok!».
«Supracoŭniki MUS pryjšli da jaho dadomu, pravieryli dakumienty i skazali, što jon žyvie nie pa miescy rehistracyi i praterminavaŭ vid na žycharstva ŭ Rasiei, — paviedamlajuć rasiejskija ŚMI. — Pry hetym rabin aficyjna zdymaje kvateru, a pa miescy rehistracyi pražyvaje jaho byłaja žonka, ź jakoj Ćvi dzielić majomaść, i jana nie puskaje jaho dadomu».
Rabin źbirajecca atrymać hramadzianstva Rasii, jakoje ŭžo jość u jaho syna.
«Vyśvietliłasia, što Bichman znachodzicca ŭ pracesie razvodu, tamu aficyjna źniaŭ kvateru. Jaho žyłpłošču pa miescy rehistracyi zaniała byłaja žonka. Rabin vykazaŭ upeŭnienaść, što palicejskich u jaho novaje žyllo vyklikała byłaja žonka, jakaja sprabuje zabrać u jaho majomaść i dzicia. Ź jahonych słoŭ, u minułym miesiacy nieviadomyja źbili jaho ŭ padjeździe», — paviedamiŭ 360tv.ru.
«Što b z vami nie zdaryłasia, lubicie siabie», — pisaŭ nie tak daŭno ŭ svaich sacsietkach Bichman.
Kamientary