Palicejskaha, jaki zadušyŭ Džordža Fłojda, surjozna paranili ŭ turmie
Śmierć Fłojda, na šyju jakoha Derek Šovin staŭ kalenam, vyklikała mahutnyja pratesty ŭ mnohich krainach.
Derek Šovin, były aficer palicyi Minieapalisa, asudžany za zabojstva Džordža Fłojda, byŭ surjozna paranieny ŭ piatnicu ŭ fiederalnaj turmie ŭ Aryzonie, paviedamiŭ Associated Press čałaviek, znajomy z hetaj spravaj.
Napad adbyŭsia ŭ fiederalnaj papraŭčaj ustanovie Tuson, turmie siaredniaj strohaści, u jakoj jość prablemy ź biaśpiekaj i nazirajecca niedachop piersanału.
Biuro turmaŭ paćvierdziła, što źniavoleny padvierhnuŭsia napadu kala 12:30 pa miascovym časie ŭ piatnicu. Supracoŭniki raspačali «miery pa vyratavańni žyćcia», pierš čym źniavoleny byŭ dastaŭleny ŭ balnicu dla dalejšaha lačeńnia i abśledavańnia.
Ciemnaskury Džordž Fłojd byŭ zatrymany palicyjantami ŭ Minieapalisie (Miniesota) u mai 2020 hoda. Jaho zapadozryli ŭ vykarystańni falšyvaj kupiury ŭ kramie, nahadvaje Radyjo Svaboda.
Pry zatrymańni palicejskija pavalili Fłojda na asfalt, choć jon, pa słovach vidavočcaŭ, nie akazvaŭ supracivu. Adzin z palicejskich, Derek Šovin, nacisnuŭ kalenam jamu na šyju, druhi — Tomas Lejn — trymaŭ za nohi. Niahledziačy na prośby Fłojda ab dapamozie i skarhi na niedachop pavietra, Šovin nie adpuściŭ jaho — Fłojd pamior ad udušša.
Jaho śmierć vyklikała pratesty suprać žorstkaści i rasavaj dyskryminacyi ŭ palicyi ŭ mnohich krainach.
U červieni 2021 hoda sud pryznaŭ Šovina vinavatym u nienaŭmysnym zabojstvie i prysudziŭ jaho da 22,5 hadoŭ pazbaŭleńnia voli. Sam Šovin viny nie pryznaŭ. Tomas Lejn prysudžany da 2,5 hadoŭ turmy.
Siamji Džordža Fłojda ŭłady Minieapalisa pahadzilisia vypłacić 27 młn dalaraŭ — heta samaja bujnaja suma, jakaja kali-niebudź vypłačvałasia ŭ štacie Miniesota ŭ suviazi z hramadzianskim pazovam ab kampiensacyi škody za śmierć čałavieka.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi6
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary