U Tatarstanie novanarodžanuju dziaŭčynku nazvali Rasija-Śviatosija-Śviatarosija
Jaje baćka raskazaŭ, što ŭ jaho 14 dziaciej ad roznych žančyn.
Siamja z Nabiarežnych Čałnoŭ nazvała novanarodžanuju dačku Rasija-Śviatosija-Śviatarosija. Baćka dziciaci Uładzimir Suchaŭ raspavioŭ gazeta.ru, što Rasija — heta jaho 14-je dzicia i ŭ kožnaha ź ich svaja historyja imieni.
«Čamu Rasija? Tamu, što ja narešcie adčuŭ, što ja žyvu ŭ vydatnaj krainie. My viedali, što da Uładzimira Uładzimiraviča była inšaja kraina. Ciapier pryjšoŭ vydatny čałaviek i pačaŭ dapamahać nam, dapamahać ludziam. My ciapier z honaram nazvali našu dačku Rasija. Rasija Uładzimiraŭna, pa supadzieńni z Uładzimiram Uładzimiravičam. Heta nie palityčny momant, heta niejkaje supadzieńnie. Rasija — heta asnoŭnaje imia, Śviatosija — śviaščennaja śviataja siła Rasii, śviatoje źziańnie Rasii. A Śviatarosija — heta dadatak, tak atrymałasia. Kali jana vyraście, dla siabie ŭžo vyznačyć toje imia, jakoje joj nieabchodna i jakoje jaje budzie vieści pa žyćci. Heta pryhoža. Ni ŭ jakim razie niama ničoha siektanckaha, relihijnaha, kanfiesijnaha», — skazaŭ jon.
Suchaŭ adznačyŭ, što Rasija naradziłasia praz paŭhoda paśla naradžeńnia chłopčyka pa imieni Pryroda. Pavodle jaho słoŭ, niahledziačy na ŭhavory daktaroŭ, baćki pakinuli dzicia, i jano naradziłasia całkam zdarovaj.
Šmatdzietny baćka zajaviŭ, što svajaki i supracoŭniki ZAHSa ździvilisia, ale ŭzradavalisia redkamu imia dziciaci.
«(Svajaki), viedajučy mianie, svojeasablivaha čałavieka, jany zaŭsiody radujucca i kažuć, što ŭ ich uśmieška na tvary, što ŭ Rasii źjaviłasia Rasija, źjaviłasia novaje imia. Naohuł vydatna pastavilisia (u ZAHSie), troški navat z zachapleńniem, sa ździŭleńniem i z radaściu, niečakana», — skazaŭ jon.
Va Uładzimira Suchava 14 dziaciej, maci ŭ ich roznyja, ale, pa słovach šmatdzietnaha baćki, žyvuć dzieci družna.
«Mamy ŭ ich roznyja, tak atrymałasia ŭ žyćci. Pryjšłosia zrabić taki pieranos vydatny. Usie jany ščaślivyja. Usim ja dapamahaju, i my žyviom družna. Samamu starejšamu 34 hady, 35 budzie. Maje dzieci Anhielina, Jarasłaŭ, Dabrynia, Anastasija, Śviatasłaŭ, Słavianida, Uładzimir, Piotr, Alaksiej, Alaksandra, Darja. Na žal, imia adnaho dziciaci ja tak i nie daviedaŭsia. Jaho mama žyvie ŭ Kazachstanie, i jon u Kazachstanie žyvie, cudoŭnaje dzicia. Voś jak užo jana jaho nazvała, i vydatna jaho nazvała. Naradziŭsia Pryroda Uładzimiravič, jon ža Roduška, jon ža Rod. I Rasija Uładzimiraŭna», — skazaŭ na zakančeńnie jon.
Ab źjaŭleńni na śviet dziaŭčynki pa imi Rasija-Śviatosija-Śviatarosija ŭ Nabiarežnych Čałnach stała viadoma 17 listapada. Jak paviedamili ŭ Kamskim dziciačym miedycynskim centry, małaja naradziłasia z vahoj 1810 hramaŭ i rostam 45 santymietraŭ na terminie 35 tydniaŭ. Daktary niekalki tydniaŭ vychodžvali novanarodžanuju.
Kamientary