Śviet

Antyčnyja skulptury stali pryčynaj novaha skandału pamiž Vialikabrytanijaj i Hrecyjaj

Pamiž Hrecyjaj i Vialikabrytanijaj vybuchnuŭ dypłamatyčny skandał. Pryčynaj tamu stali skulptury z Parfienona, jakija jašče ŭ pačatku XIX stahodździa vyvieźli z Afin u Łondan.

Marmur Ełhina ŭ Brytanskim muziei. Fota: pixabay

Premjer-ministr Hrecyi Kiryjakas Micatakis mieŭsia sustrecca z premjer-ministram Vialikabrytanii Ryšy Sunakam u Łondanie, adnak u apošniuju chvilinu brytancy admianili sustreču. Pra heta piša ahienctva Bi-bi-si.

Pryčynaj kanfliktu stała intervju Micatakisa ahienctvu Bi-bi-si za dzień da sustrečy, u jakim toj vykazaŭ nadzieju na toje, što Vialikabrytanija viernie Hrecyi skulptury Parfienona. Hrečaski ministr tady skazaŭ, «što mieć častku artefaktaŭ u Afinach, a častku ŭ Łondanie, heta jak padzialić Mona Lizu na dźvie častki».

«Tyja, chto vieryć u pravilnaść i sumleńnie svaich rašeńniaŭ, nikoli nie admaŭlajucca ŭstupać u kanstruktyŭnuju arhumientacyju i debaty», — skazaŭ Kiryjakas Micatakis z rasčaravańniem z-za raptoŭnaj admieny sustrečy sa svaim brytanskim kaleham Ryšy Sunakam.

Micatakis dadaŭ, što pazicyi Hrecyi ŭ pytańniach adnosna viartańnia mastackich kaštoŭnaściaŭ na radzimu viadomyja ŭsiamu śvietu. Adnak u aŭtorak, akramia hetaha, palityk spadziavaŭsia abmierkavać z brytanskim kaleham prablemy Ukrainy, Izraila, klimatyčny kryzis i mihracyju.

Brytanski ŭrad paćvierdziŭ, što admianiŭ sustreču z hrečaskim premjeram, i prapanavaŭ jamu zamiest hetaha sustrecca tolki z namieśnikam Ryšy Sunaka Olivieram Daŭdenam. Adnak tut admoviłasia ŭžo delehacyja Hrecyi. 

Krynicy Bi-bi-si kažuć, što praviadzieńnie takoj sustrečy stała niemahčymym paśla taho, jak u ŚMI źjavilisia kamientary Micatakisa adnosna marmuraŭ Ełhina (Elgin Marbles) — skulptur i reljefaŭ Parfienona Afinskaha Akropala, stvoranych staražytnahreckim skulptaram Fidyjem pamiž 447 i 432 hadami da n. e.

Svaju nazvu marmury biaruć ad proźvišča brytanskaha łorda Tomasa Brusa Ełhina, brytanskaha pasła ŭ Asmanskaj impieryi, jaki ŭ pačatku XIX stahodździa vyviez skulptury z Hrecyi, paśla čaho ich u 1816 nabyŭ brytanski ŭrad i pieradaŭ Brytanskamu muzieju.

Adnak Ełhin tady atrymlivaŭ ad turkaŭ dazvoł tolki na vyvaz «niekatorych abłomkaŭ kamianioŭ z nadpisami i fihurami». U vyniku brytanski pasoł zabraŭ z saboj amal pałovu ŭsich marmurovych kaštoŭnaściaŭ Parfienona, bo chacieŭ «zachavać ich va ŭmovach niestabilnaj palityčnaj abstanoŭki ŭ Turcyi i abaranić ich ad rabavańnia z boku pryvatnych kalekcyjanieraŭ».

Hrecyja, u svaju čarhu, dziesiacihodździami namahajecca viarnuć kaštoŭnaści Parfienona nazad, a taksama stavić pad sumnieŭ zakonnaść dziejańniaŭ łorda Ełhina i praŭdapadobnaść dazvołu na vyvaz kaštoŭnaściaŭ, jaki byŭ dadzieny turkami. 

Pa zakonach Vialikabrytanii, viartać staražytnyja kaštoŭnaści na ich radzimu niamožna. Pieradača ekspanataŭ mahčymaja, tolki kali ich stvaryli paśla 1850 hoda, kali jany vielmi mocna sapsavanyja albo majuć dublikaty ŭ lepšym za aryhinał stanie. Adziny mahčymy varyjant u vypadku z Hrecyjaj — heta pazyčyć ekspanaty na abmiežavany čas, adznačaje Bi-bi-si.

U toj čas jak kansiervatyŭnyja palityki admaŭlajucca viartać Hrecyi marmury, apazicyjnaja partyja lejbarystaŭ, naadvarot, zajaŭlaje, što jana b nie stała pieraškadžać pahadnieńniu ab pazyčańni hetych skulptur Hrecyi dla viartańnia histaryčnych kaštoŭnaściaŭ na ich radzimu. 

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?3

Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?

Usie naviny →
Usie naviny

MZS Litvy nakiravała Biełarusi notu pratestu z-za rasijskaha drona

«Heta chleb ci klej?»: žycharka Baranavičaŭ aburyłasia jakaściu pradukcyi chlebazavoda9

Trybuna stadyjona budučaha supiernika minskaha «Dynama» ŭ jeŭrakubkach nazvana ŭ honar futbalista, jaki pamior padčas matča

Adkaznaść za zabojstva pałkoŭnika SBU Varoniča ŭ Kijevie ŭziała na siabie nieanacysckaja hrupoŭka «Baza»3

«Ja nie bačyŭ ničoha takoha»: jak lalki Labubu prynieśli šalony prybytak3

Minskaje «Dynama» vylecieła z kvalifikacyi Lihi čempijonaŭ u pieršym raŭndzie2

Biełaruskija mytniki adkazali na skarhi adnosna doŭhaha afarmleńnia na miažy2

Siryjskija ŭłady i druzy damovilisia pra spynieńnie ahniu6

U centry Minska proci načy vystraiłasia vializnaja čarha ludziej, niekatoryja ŭ pižamach VIDEA4

bolš čytanych navin
bolš łajkanych navin

Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?3

Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?

Hałoŭnaje
Usie naviny →

Zaŭvaha:

 

 

 

 

Zakryć Paviedamić