Byłaja redaktarka Čornaj knihi Biełarusi vystupiła sa skandalnymi zajavami — i pačalisia razborki na ŭvieś internet
Janina Sazanovič, aŭtarka jutub-kanała «Dzikaje palavańnie» i byłaja redaktarka prajekta Čornaja kniha Biełarusi pa deananimizacyi siłavikoŭ, paŭdzielničała ŭ šou «Ščyra kažučy» na telekanale «Biełsat». Vypusk ź jaje ŭdziełam atrymaŭsia tradycyjna rezanansnym. Siarod inšaha, Sazanovič vystupiła z abvinavačvańniami na adras staršaha pamočnika Śviatłany Cichanoŭskaj Franaka Viačorki. Jana ličyć, što Viačorka — ahient biełaruskich śpiecsłužb.
Adnak abmiarkoŭvajuć u internecie pieradusim nie jaje vykazvańni, a toje, što vypusk prahramy «Ščyra kažučy» ŭviečary paśla premjery byŭ vydaleny ź jutuba i inšych sacyjalnych sietak.
Prychilniki Sazanovič abvinavačvajuć «Biełsat» u cenzury.
Temu razborak unutry apazicyjnych kołaŭ pradkazalna padchapiła i biełaruskaja dziaržaŭnaja prapahanda.
Tym časam Franak Viačorka apublikavaŭ svoj kamientar z nahody skandału. «Ja nie maju dačynieńnia da vydaleńnia videa ź jutub-kanała Biełsata. … Liču cenzuru škodnaj, a ŭ epochu internetu vydaleńnie kantentu — prosta biessensoŭnaje», — patłumačyŭ palityk. Abvinavačvańni ŭ svajoj pracy na śpiecsłužby jon ličyć šyzafrenijaj.
Kali źjavicca aficyjny kamientar «Biełsata», my dapoŭnim navinu.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś9
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary