Minski «Ržavy most» nad Śvisłačču pieratvaryŭsia ŭ śniežnuju horku, a absłuhoŭvać jaho ŭsie admaŭlajucca
Toje, što «Ržavy most» nad Śvisłačču akazaŭsia biez dahladu, zaŭvažyła čytačka «Anłajniera». «Abiacali, što budzie padahreŭ. Dzie jon?», — zadała jana pytańnie.
Redakcyja «Anłajniera» pasprabavała prajaśnić heta pytańnie, i vyjavilisia cikavyja rečy: usie patencyjna adkaznyja za dahlad mosta kivajuć adno na adnaho.
Tak, ŽKH adkazała, što pra abiacańnie ŭvohule nie ŭ kursie, a nakont prybirańnia mosta treba źviartacca ŭ Zielanbud.
Zielanbud nakiroŭvaje ŭsich zacikaŭlenych u «Minskuju spadčynu», maŭlaŭ, zajaŭka adnosna prybirańnia na razhladzie ŭ ich.
A «Minskaja spadčyna» kaža, što mosta na bałans nie prymała, tamu i prybirać jaho jaje supracoŭniki nie buduć.
«Ržavy most» — adzin z najnoŭšych mastoŭ Minska. Uźviadzieńnie mosta ad vulicy Zybickaj da byłoj druhoj haradskoj balnicy było zapłanavana ŭ ramkach budaŭnictva hatela Hilton. Užo na etapie prajektavańnia da jaho prylapiłasia nazva «Ržavy», bo aharodža vykanana z kartenavaj stali, koler jakoj nahadvaje ržu.
Most atrymaŭsia davoli stromkim pa ŭzdymie, kab haradskija słužby mahli čyścić pojmu Śvisłačy i spakojna prajazdžać pad mostam. Adkryli jaho ŭ siaredzinie kastryčnika 2022 hoda, ale ŭžo litaralna praź niekalki dzion prachod pa moście pierakryli na čas budaŭniča-mantažnych rabot hatela pa susiedstvie. Potym most pracavaŭ jašče niejki čas, a ŭ lutym hetaha hoda na jaho znoŭ stała nielha zachodzić, i znoŭ z toj samaj pryčyny. Znoŭ jon adkryŭsia ŭ krasaviku 2023 hoda.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary
Lepš leśvicy na mikrarajonach čyścicie!!! Dla ludziej!