Zaŭtra ŭ Biełaruś dastaviać Betlejemski ahoń. Jaho raźviazuć pa ŭsich katalickich parafijach
Tradycyjna aŭstryjskaja delehacyja śpiecyjalnym avijarejsam dastaŭlaje Betlejemski ahoń u Vienu, adkul jon, dziakujučy skaŭtam, traplaje ŭ inšyja krainy śvietu.
Što da Biełarusi, to padarožža Betlejemskaha śviatła pa krainie tradycyjna raspačcynajecca z hałoŭnaj śviatyni Hrodna — katedralnaj bazyliki śviatoha Franciška Ksaveryja, piša catholic.by.
U piatnicu, 15 śniežnia, ahoń budzie dastaŭleny ŭ minskuju katedru Najśviaciejšaha imia Maryi, a na nastupny dzień — u katedry ŭ Viciebsku i Pinsku.
Za raspaŭsiudžvańnie hetaha «śviatła nadziei» pa Biełarusi adkazny ruch katalickich skaŭtaŭ — parafijalnyja hrupy, jakija dziejničajuć u Hrodnie, Žodzinie, Iviancy, Minsku i Połacku. Sioleta jany vykanajuć svaju misiju 15-y raz.
Betlejemskaje śviatło sioleta budzie ŭniesiena ŭ bolš za 140 ryma-katalickich i hreka-katalickich parafij. Skaŭty abjeduć amal usiu krainu.
Kamientary