Заўтра ў Беларусь даставяць Бэтлеемскі агонь. Яго развязуць па ўсіх каталіцкіх парафіях
Традыцыйна аўстрыйская дэлегацыя спецыяльным авіярэйсам дастаўляе Бэтлеемскі агонь у Вену, адкуль ён, дзякуючы скаўтам, трапляе ў іншыя краіны свету.
Што да Беларусі, то падарожжа Бэтлеемскага святла па краіне традыцыйна распачцынаецца з галоўнай святыні Гродна — катэдральнай базылікі святога Францішка Ксавэрыя, піша catholic.by.
У пятніцу, 15 снежня, агонь будзе дастаўлены ў мінскую катэдру Найсвяцейшага імя Марыі, а на наступны дзень — у катэдры ў Віцебску і Пінску.
За распаўсюджванне гэтага «святла надзеі» па Беларусі адказны рух каталіцкіх скаўтаў — парафіяльныя групы, якія дзейнічаюць у Гродне, Жодзіне, Івянцы, Мінску і Полацку. Сёлета яны выканаюць сваю місію 15-ы раз.
Бэтлеемскае святло сёлета будзе ўнесена ў больш за 140 рыма-каталіцкіх і грэка-каталіцкіх парафій. Скаўты аб’едуць амаль усю краіну.
Цяпер чытаюць
Чаму ўлады маўчаць пра прычыны разбурэння дома ў Гомелі і якія ёсць версіі1
Каментары