U Barysavie lehkavik zaminaŭ vyvazu śmiećcia. Kamunalnik vyrašyŭ adpomścić pozna nočču
Jak viadoma, pomsta — heta strava, jakuju padajuć chałodnaj.
Incydent zdaryŭsia kala adnaho z damoŭ pa vulicy Narmandyi-Nioman. U milicyju patelefanavaŭ mužčyna i raskazaŭ, što nočču jaho aŭtamabil paškodzili. Nieviadomy vostrym pradmietam prakałoŭ dva koły, paviedamlaje abłasnaja milicyja.
Padčas apieratyŭnych mierapryjemstvaŭ supracoŭniki kryminalnaha vyšuku vyličyli vandała. Im akazaŭsia 60-hadovy rabotnik kamunalnaj słužby.
Mužčyna rastłumačyŭ, što jaho razzłavała, što žychary doma pastajanna parkujuć svaje aŭtamabili kala padjezda, i kantejnier sa śmiećciem vyvieźci niemahčyma.
Na złačynstva jon pajšoŭ unačy, uziaŭšy z saboj ćvik.
Admietna, što akt pomsty trapiŭ na videakamiery.
Zaviedziena kryminalnaja sprava pa č. 1 art. 339 Kryminalnaha kodeksa (chulihanstva). Sankcyja artykuła praduhledžvaje da troch hadoŭ kałonii.
Ciapier čytajuć
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary