Alaksandr Łukašenka 19 śniežnia sabraŭ naradu pa pytańniach raźvićcia Biełaruskaj nacyjanalnaj bijatechnałahičnaj karparacyi i praviadzieńnia mielijaracyi, pieradaje BIEŁTA. Jon zajaviŭ, što BNBK — heta «imidžavy, vielmi važny technałahičny prajekt», ale spravy ŭ jaho nie takija dobryja.
«Užo hod, jak adbyłosia ŭračystaje adkryćcio ŭnikalnaj maštabnaj vytvorčaści BNBK. My ŭ svoj čas, dy i ciapier hanarymsia hetaj vytvorčaściu. Dla startu jaho pracy byli stvorany ŭsie ŭmovy. I my damovilisia, što budziem usialak padtrymlivać hety prajekt», — skazaŭ Alaksandr Łukašenka.
Razam z tym, pavodle jaho słoŭ, na pradpryjemstvie spravy iduć nie zusim tak, jak płanavali.
«Kamitet dziaržkantrolu, jakomu było daručana prarevizavać najsurjoźniejšym čynam situacyju na BNBK, dakładvaje: jość istotnyja niedapracoŭki i prablemy pa zahruzcy mahutnaściaŭ zavoda, zbycie hatovaj pradukcyi. Usio heta niehatyŭna ŭpłyvaje na finansavyja pakazčyki BNBK (jašče b!). Chaciełasia b pačuć ad urada dakładny ałharytm likvidacyi ŭsich najaŭnych niedapracovak, zabieśpiačeńnia finansavaj ustojlivaści ŭ rabocie pradpryjemstva», — skazaŭ Łukašenka.
U kastryčniku kiraŭnik BNBK Daniił Urycki (były premjer-ministr Kyrhyzstana Danijara Usienaŭ, jaki pražyvaje ŭ Minsku pad imiem Daniił Urycki) zajaŭlaŭ, što ŭsie płanavyja pakazčyki ZAT «BNBK» pieravykanała.
«My dumali, što 70% našaj pradukcyi budzie pastaŭlacca na ekspart. Siońnia my pastaŭlajem 85-90 pracentaŭ. <> Siońnia ŭsia pradukcyja BNBK pradajecca, pryčym pa pieradapłacie», — padkreśliŭ hiendyrektar BNBK.
Urycki taksama dadaŭ, što ŭ minułym hodzie «niezaležnaja mižnarodnaja aŭdytarskaja kampanija pravodziła pravierku, i ŭ svajoj spravazdačy jany napisali adnu frazu: «Prajekt atrymaŭsia lepšym za čakańni».
Taksama Łukašenka siońnia raskazaŭ ab prablemach ź mielijaracyjaj. «Usio pałamana, usio złamana, ratavać treba mielijaracyju jak halinu», — zajaviŭ jon.
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary