Chapun u Baranavičach: zatrymanyja nie mienš za 8 čałaviek. Adnaho ź ich zmusili ŭ ślazach zvanić dziaŭčynie
Ich vinavaciać va ŭdziele ŭ pratestach u 2020 hodzie.
Adzin z zatrymanych — 37-hadovy Dźmitryj Michalcevič. U tematyčnych hrupach napisana, što jon adzin z tych, chto stajaŭ la vytokaŭ raźvićcia brejk-dansu ŭ horadzie, byŭ udzielnikam kamand F.S.C., B-BAXSTER, «Vaŭki». Taksama jon pieramahaŭ u čempijanacie Biełarusi pa brejk-dansie «Hołas vulicaŭ». Ciapier jon treniruje dziaciej i darosłych tančyć brejk-dans.
Siarod zatrymanych taksama 25-hadovy Dźmitryj Filipovič, 32-hadovy Mikałaj Łosik (na fota vyšej), 31-hadovy Arciom Dziohcieŭ i, pa źviestkach «Miedyjazony», Ivan Dryk, jakomu musić być kala 20 hadoŭ. Miarkujučy pa ich aktyŭnaści ŭ sacsietkach, hubazikaŭcy ładzili chapun kala tydnia tamu.
Taksama pakazali traich inšych zatrymanych, siarod jakich jość zusim maładyja ludzi. Usich vaśmiarych vinavaciać va ŭdziele ŭ pratestach u 2020 hodzie. Imavierna, vyličyli ich pa videazapisach z pratestaŭ, jakija demanstrujucca ŭ kadry.
Adnaho z zatrymanych zmušajuć u ślazach zvanić svajoj dziaŭčynie i spravazdačycca pra zatrymańnie.
Imavierna, ciapier im pahražaje kryminalnaja sprava pa «narodnym» 342 artykule KK RB. Sankcyja artykuła praduhledžvaje da troch hadoŭ pazbaŭleńnia voli.
«Naša Niva» — bastyjon biełaruščyny
PADTRYMAĆCiapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary