Sud pastaviŭ kropku ŭ historyi z šumnym kandycyjanieram u susiedziaŭ, z-za jakoha mužčyna schudnieŭ da 38 kiłahramaŭ
Pamiatajecie Dźmitryja, jaki aranduje kvateru ŭ šmatpaviarchoviku na vuł. Čyhunačnaj u Minsku i bolš za hod sprabavaŭ uhavaryć susiedziaŭ pieranieści šumny vonkavy błok kandycyjaniera dalej ad svaich voknaŭ? Historyja, zdajecca, skončyłasia na jahonuju karyść.
Niahledziačy na praciahłyja ciažby, 10 studzienia sud pryniaŭ rašeńnie ab demantažy vonkavaha błoka kandycyjaniera, daŭšy adkazčyku 15 dzion na apielacyju, piša Onliner.by.
— Z usioj hetaj situacyi ja zrazumieŭ adno: kali šumić, značyć, vam nie zdajecca, — kaža minčuk. — Ale vas abaviazkova buduć pierakonvać u advarotnym. My ŭsie vielmi pa-roznamu ŭsprymajem huki i śviet u cełym. Kali vy kažacie praŭdu — ludzi vas čujuć, źjaŭlajucca i abjektyŭnyja dokazy, navat u vypadku z chitrymi susiedziami, jakija buduć usialak hetuju praŭdu chavać i ŭchilacca ad ekśpiertyzy. Ale praściej źmianić kvateru pry najaŭnaści takoj mahčymaści. U astatnim spadziajemsia na bolš chutkija źmieny ŭ zakanadaŭstvie, jakija paskorać praviadzieńnie ekśpiertyzy i skarektujuć praceduru ŭzhadnieńnia kandycyjanieraŭ z ulikam intaresaŭ susiedziaŭ.
Pa słovach Dźmitryja, hihijeničnyja normy nie ŭličvajuć praciahłaść uździejańnia małych uzroŭniaŭ šumu, i ŭ hetym kryjecca adna z prablem.
— Naprykład, možna paru hadzin paciarpieć pisk kamara, jaki ledź fiksujecca pryborami i nie pieravyšaje sanitarnych normaŭ. Ale pasprabujcie žyć z hetym hukam miesiac ci paŭtara-dva hady? Heta moža navat pryvieści da zachvorvańnia vucha, jakoje pryjdziecca doŭha i ŭparta lačyć, — padsumavaŭ minčanin.
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ4
Kamientary