Śviet11

Pakistan nanios udary ŭ adkaz pa terytoryi Irana

Isłamabad nazvaŭ metaj pazicyi «terarystaŭ pakistanskaha pachodžańnia», jakija chavajucca na terytoryi Irana. Ataka adbyłasia praz dva dni paśla ŭdaru Irana pa Pakistanie.

Pakistan nanios sieryju ŭdaraŭ pa «schoviščach» terarystaŭ u pravincyi Sistan i Biełudžystan na paŭdniovym uschodzie Irana. MZS Irana zajaviła, što ŭ vyniku vajennaj apieracyi byli zabityja niekalki bajevikoŭ, piša RBK.

Pa danych ahienctva Anadolu, pakistanskaja armija atakavała siem abjektaŭ vajenizavanaj arhanizacyi «Vyzvalenčaja armija Biełudžystana», jakaja pryznana terarystyčnaj u Pakistanie i jašče šerahu krain.

Vybuchi prahrymieli kala horada Sieravan na paŭdniovym uschodzie iranskaj pravincyi, paviedamiŭ ahienctvu Mehr namieśnik hubiernatara Alirez Marchamaci. Pavodle jaho słoŭ, zahinuli siem čałaviek — try žančyny i čaćviora dziaciej, usie jany nie irancy. Sistan i Biełudžystan — druhaja pa vieličyni pravincyja Irana, jana miažuje z Pakistanam i Afhanistanam.

U pakistanskim MZS zajavili, što Isłamabad udaryŭ pa pazicyjach «terarystaŭ pakistanskaha pachodžańnia», jakija nazyvajuć siabie Sarmačary (sarmachars, jašče adna nazva «vyzvalenčaj armii Biełudžystana»).

Pa śćviardžeńni viedamstva, Pakistan nieadnarazova vykazvaŭ Iranu zakłapočanaść z-za bajevikoŭ, jakija chavajucca na terytoryi susiedniaj krainy i «biespakarana pralivajuć kroŭ niavinnych pakistancaŭ», ale Tehieran nie raspačaŭ dastatkovych dziejańniaŭ.

U viedamstvie zajavili, što adzinaj metaj siońniašniaj ataki stała zabieśpiačeńnie biaśpieki i nacyjanalnych intaresaŭ Pakistana i Isłamabad «pavažaje suvierenitet i terytaryjalnuju cełasnaść Isłamskaj Respubliki Iran».

***

16 studzienia Iranski Korpus vartavych isłamskaj revalucyi nanios udar pa Pakistanie; jak paviedamlała ahienctva Tasnim, metaj stali štaby terarystyčnaj hrupoŭki «Džejš al-Adl». Pa dadzienych pakistanskaha MZS, zahinuli dvoje dziaciej, jašče try čałavieki atrymali ranieńni.

MZS Pakistana vykazaŭ pratest Iranu, nazvaŭ dziejańni Tehierana parušeńniem suvierenitetu i papiaredziŭ ab surjoznych nastupstvach. Pakistanskaha pasła adklikali ź Irana.

Kamientary1

  • Josik
    18.01.2024
    Što adkaža biełaruski MZS? A mo vialiki suśvietny palityk niešta pramović? Dzie vajennyja ekśpierty ź biełTB, kłub redaktaraŭ? Au, dzie vy?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia

Usie naviny →
Usie naviny

Zialenski prapanavaŭ pravieści trochbakovuju sustreču z Pucinym i Trampam

Šrajbman: Ciapierašnija kanflikty ŭ apazicyi ŭžo mała kaho cikaviać14

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku11

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu6

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

bolš čytanych navin
bolš łajkanych navin

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia

Hałoŭnaje
Usie naviny →

Zaŭvaha:

 

 

 

 

Zakryć Paviedamić