Suprać supracoŭnika Radyjo Svaboda Siarhieja Dubaŭca zaviali šeść kryminalnych spraŭ
Jamu inkryminavana parušeńnie zakanadaŭstva ab supraćdziejańni ekstremizmu, niedapuščeńni reabilitacyi nacyzmu i admaŭleńni hienacydu biełaruskaha naroda, havorycca ŭ pres-relizie Hienieralnaj prakuratury.
Zhodna z materyjałami spraŭ, Siarhiej Dubaviec u svaich publičnych vykazvańniach u aŭtarskim błohu, «raspaŭsiudziŭ zahadzia iłžyvyja i adkryta destruktyŭnyja źviestki ab palityčnym, ekanamičnym, sacyjalnym, vajennym i mižnarodnym stanoviščy Respubliki Biełaruś, pravavym stanoviščy jaje hramadzian, čym dyskredytavaŭ Respubliku Biełaruś, orhany dziaržaŭnaj ułady i kiravańnia; raspalvaŭ sacyjalnuju varožaść i varožaść pa prykmiecie prynaležnaści da peŭnaj sacyjalnaj hrupy; abhavaryŭ kiraŭnika dziaržavy; udzielničaŭ u ekstremisckim farmavańni, a taksama farmavańni, dziejnaść jakoha nakiravana na reabilitacyju nacyzmu; admaŭlaŭ fakt hienacydu biełaruskaha naroda ŭ hady Vialikaj Ajčynnaj vajny i paślavajenny pieryjad; ździejśniŭ naŭmysnyja dziejańni pa reabilitacyi nacyzmu».
Siarhieju Dubaŭcu staviacca ŭ vinu artykuły:
pavodle art. 369-1, č.1 art. 130, č. 1 art. 367, č. 1 art. 361-1, č. 1 art. 130-2, č. 1 art. 130-1 Kryminalnaha kodeksa.
Siarhiej Dubaviec naradziŭsia ŭ 1959 hodzie ŭ Minsku. U 1980-ch braŭ udzieł u nacyjanalnym adradžeńni. U 1991-2000 hadach byŭ pieršym redaktaram adnoŭlenaj «Našaj Nivy».
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ9
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary