Amierykanskaja kinaakademija nazvała naminantaŭ na 96-ju kiniematahrafičnuju premiju «Oskar». Za hałoŭnuju ŭznaharodu sioleta pazmahajucca dzieviać filmaŭ.
U śpisie naminacyi «Najlepšy film»: «Apienhiejmier», «Barbi», «Amierykanskaja fantastyka», «Anatomija padzieńnia», «Zabojcy kvietkavaha Miesiaca», «Zona intaresaŭ», «Pakinutyja», «Minułyja žyćci» i «Niebaraki».
Za zvańnie najlepšaha režysiora pazmahajucca: Džonatan Hlejzier («Zona intaresaŭ»), Jorhas Łancimas («Niebaraki»), Krystafier Nołan («Apienhiejmier»), Marcin Skarseze («Zabojcy kvietkavaha Miesiaca») i Žuścin Tryje («Anatomija padzieńnia»).
U naminacyi «Najlepšaja mužčynskaja rola» čatyry pretendenty: Bredli Kupier («Maestra»), Poł Džamaci («Pakinutyja»), Kilijan Miorfi («Apienhiejmier») i Džefry Rajt («Amierykanskaje čytvo»).
Za najlepšuju žanočuju rolu paspračajucca: Aniet Bieninh («Ńjad»), Lili Hładstan («Zabojcy kvietkavaha Miesiaca»), Sandra Chiuler («Anatomija padzieńnia»), Kery Malihan («Maestra») i Ema Stoŭn («Niebaraki»).
Najbolšaja kolkaść naminacyj — 13 — atrymała stužka Krystafiera Nołana «Apienhiejmier». U filma Jorhasa Łancimasa «Niebaraki» — 11 naminacyj, u dramy Marcina Skarseze «Zabojcy kvietkavaha Miesiaca» i «Barbi» Hrety Hiervih pa 10 naminacyj.
Cyrymonija ŭručeńnia ŭznaharod adbudziecca 10 sakavika. Vieści jaje ŭ čaćviorty raz budzie komik Džymi Kimeł.
Raniej «Apienhiejmier» byŭ nazvany najlepšym dramatyčnym filmam i atrymaŭ «Załaty hłobus». A «Barbi» ŭ ramkach hetaj premii ŭručyli ŭznaharodu za prakatnyja dasiahnieńni i za najlepšy saŭndtrek.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj82
Kamientary