Ekanomika33

Aleś Alachnovič: Z 2012 hoda ekanomika Biełarusi vyrasła na 5%, a ekanomika Polščy, Litvy, Łatvii — na 40-45%

Jak zaležnaść režymu Łukašenki ad Rasii ŭpłyvaje na ekanomiku Biełarusi, u intervju «Pozirku» raspavioŭ daradca Śviatłany Cichanoŭskaj pa ekanamičnych reformach i vice-prezident ABBA Aleś Alachnovič.

Maskva, 24 červienia 2023 h. Fota: Sefa Karacan / Anadolu Agency via Getty Images

Niahledziačy na toje, što Biełstat pakazvaje rost ekanomiki — 3,8% za 11 miesiacaŭ 2023 hoda ŭ paraŭnańni z anałahičnym minułahodnim pieryjadam, usio adno hety vynik nielha ličyć admietnym. Takuju dumku vykazaŭ daradca Śviatłany Cichanoŭskaj pa ekanamičnych pytańniach Aleś Alachnovič. 

Jon nahadaŭ, što letaś biełaruskaja ekanomika «prasieła amal na 5%» (-4,7% pavodle infarmacyi Nacyjanalnaha statystyčnaha kamiteta. — «Pozirk»). 

«Ciapier ekanomika vyrasła na niapoŭnyja 4%, to-bok my jašče nie adnavili tuju stratu, jakuju mieli ŭ 2022 hodzie, u tym liku praz stratu ŭkrainskaha rynku, ad dadatkovych ekanamičnych sankcyj za ŭdzieł u vajnie.

A prahnoz MVF na nastupnyja piać hadoŭ pakazvaje, što biełaruskaja ekanomika budzie mieć čaćviorty samy drenny pakazčyk ekanamičnaha rostu ŭ śviecie», — adznačyŭ Alachnovič.

Pavodle słoŭ daradcy demakratyčnaha lidara, nielha kazać, što hety hod byŭ karysnym dla ekanomiki: choć jana amal usia pieraaryjentavałasia na rasijski rynak, u tym liku vajenna-pramysłovy kompleks, heta nie dazvoliła i nie dazvolić joj u budučym chutka raści. 

«Biełaruskaja ekanomika z 2012 hoda raście pavolniej za svaich susiedziaŭ, pierad usim zachodnich: Polšču, Litvu, Łatviju. Z taho času jana vyrasła ŭsiaho na 5%, u toj čas jak susiedzi — prykładna na 40-45%.

Hety hod ja aceńvaju davoli skieptyčna: my stračvajem svoj suvierenitet, idzie pieraaryjentacyja na rasijskuju ekanomiku, ale ekanamičnych vynikaŭ niama. I pry hetym režymie situacyja nie palepšycca», — zajaviŭ ekśpiert.

Alachnovič źviarnuŭ uvahu na toje, što «prapahanda vychvalajecca vychadam Biełarusi na novyja rynki, paviedamlaje ab sustrečach Łukašenki ź lidarami roznych krain». Adnak, ličyć surazmoŭca, novyja ekanamičnyja partniory nie dapamohuć. U śniežni Łukašenka naviedaŭ Ekvataryjalnuju Hvinieju, ale, padkreśliŭ Alachnovič, «hetaja kraina maje samy drenny ekanamičny prahnoz siarod 200 krain na bližejšyja piać hod, a jaje VUP u siem razoŭ mienšy za VUP Biełarusi». 

«Łukašenka maje znosiny ź Vieniesuełaj, niekatorymi afrykanskimi i azijackimi krainami. Pa sutnaści, heta krainy-izhoi. U tym liku Rasija. Łukašenka ŭ vyniku abranaj im palityki represij, stvareńnia mihracyjnaha kryzisu, pasadkaj samalota Ryanair, saŭdziełu ŭ vajnie Rasii va Ukrainie zavioŭ siabie ŭ tupik. U hetym tupiku jon moža supracoŭničać vyklučna z takimi krainami, jak RF, Paŭnočnaja Kareja, Ekvataryjalnaja Hvinieja. A hetyja krainy nie raźvivajucca», — adznačyŭ ekśpiert. 

Adnym z prykładaŭ taho, jak ekanomiki susiedziaŭ mohuć upłyvać na krainu, Alachnovič ličyć Polšču, jakaja «handluje ź ES, pryviazanaja da jaho vielmi mocna, i heta aznačaje, što ŭ krainy jość pryviazka da pieradavych ekanomik śvietu, bolš technałahičnych, bolš raźvitych, bolš zamožnych i demakratyčnych». 

«Heta daje stymuły dla rostu. Biełaruś ža ciapier pryviazana da rasijskaj ekanomiki: 65% ekspartu tavaraŭ traplaje niepasredna ŭ RF, jašče prykładna 20-30% — praz rasijskija party, čyhunku i jaje finansavuju sistemu ŭ Kitaj, Indyju, niekatoryja inšyja trecija krainy. Takim čynam, Biełaruś całkam zaležnaja ad krainy, jakaja taksama z 2013 hoda nie pakazvaje ekanamičnaha rostu, stahnuje», — padkreśliŭ ekanamist.

Pavodle jaho słoŭ, Rasija ciapier nie moža nabyvać šmat jakija tavary, pastaŭlać u stanie tolki syravinu. «U vyniku heta budzie adbivacca na ŭzroŭni žyćcia biełarusaŭ, my budziem znachodzicca ŭ stahnacyi, pakul našyja zachodnija susiedzi buduć raźvivacca. Našaja moładź budzie źjazdžać z krainy. Heta ŭsio vielmi drenna dla budučaha Biełarusi», — kanstatavaŭ ekanamist.

Kamientary3

  • Vład
    24.01.2024
    Otkuda dannyje pro 5% s 2012? Kasatielno prohnozov MVF - na 2023 hod oni prohnozirovali -2,3 , a okazałoś +3,7 !
    • Prosta žychar
      24.01.2024
      Vład, nu tak nu tak, pravilna pišaš. Usio stabilna, niama čaho bajacca, padstupny kalektyŭny Zachad i "źbiehłyja" ekanamisty ŭsio chłusiać. Idzi ŭ kabiniet kuratara, vaźmi z palicy piražok za dobruju pracu.
    • Ilja
      24.01.2024
      Vład, v intiernietie vsio jesť. Nie vieritie intiernietu - posmotritie biełstat.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam9

«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam

Usie naviny →
Usie naviny

U Rečycy hareŭ pryvatny siektar1

Maks Korž vystupić na stadyjonie ŭ Varšavie. Niekalki vulic pierakryjuć i źmieniać ruch transpartu 9 žniŭnia9

Hienpłan Minska buduć źmianiać. Haradžanie mohuć ahučyć prapanovy7

Cichanoŭskaja źviarnułasia da biełarusaŭ z nahody piataj hadaviny pratestaŭ24

U Minsku ŭzbrojenyja siłaviki zatrymali indyvidualnaha pradprymalnika1

«Bajsoł» vystavić na aŭkcyjon limitavanuju sieryju hadzińnikaŭ6

ChatGPT pradstaviŭ novuju madel GPT-5. Voś što ŭ joj novaha i što abiacajuć raspracoŭščyki2

Izrailskija ŭłady ŭchvalili płan Nietańjachu pa akupacyi horada Haza16

Tramp anansavaŭ padpisańnie mirnaj damovy pamiž Azierbajdžanam i Armienijaj siońnia ŭ Biełym domie2

bolš čytanych navin
bolš łajkanych navin

«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam9

«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam

Hałoŭnaje
Usie naviny →

Zaŭvaha:

 

 

 

 

Zakryć Paviedamić