Mody2323

Jakija rečy my znajšli ŭ harderobie Iryny Abielskaj

Iryna Abielskaja — pa-raniejšamu adna z samych upłyvovych biełaruskich žančyn. Niekali jana była asabistaj doktarkaj Alaksandra Łukašenki, ciapier kiruje Respublikanskim kliničnym miedcentram (lečkamisijaj). Ale pieradusim paznavalnaja jak maci Koli Łukašenki. «Naša Niva» źviarnuła ŭvahu na toje, u čym Iryna Abielskaja źjaŭlajecca na publicy.

Chanel, Louis Vuitton, Zara

U harderobie mamy Koli my znajšli adrazu niekalki rečaŭ ad viadomaha francuzskaha doma Chanel. Tak, na adnym ź mierapryjemstvaŭ žančyna ŭpryhožyła svaju sukienku srebranaj broškaj. Na resejle takuju možna nabyć za 465 jeŭra, ale pieršapačatkovy košt takoj rečy u raz daražejšy. 

Fota: sajt-resejł

Miarkujučy pa firmovym łancužku i śpiecyjalnaj skuranoj padšeŭcy, jakaja abaraniaje plačo, dla sustrečy ź pieršaj łedzi Zimbabve Aksilijej Mnanhahva Abielskaja prychapiła sumku Chanel 19, koštam bolš za 7 tysiač dalaraŭ.

Abielskaja
Fota: sajt-resejł

Aŭtfit dapaŭniała sukienka ź cisnutaha šoŭku ad japonskaha modnaha doma Issey Miyake. Ubor hłybokaha adcieńnia dark navy siońnia možna kupić za 1382 dalary. Darečy, hetaja madel — amal što navinka. Jana była pradstaŭlena na zimovym tydni mody ŭ 2023 hodzie.

Abielskaja
Fota: sajt-resejł

Jašče adnu brendavuju sukienku ad brenda Escada Iryna nadziavała na pryjom. Čorny ubor z vałanami biez uliku źnižki kaštuje 579 jeŭra.

Abielskaja
Fota: sajt-resejł

Zrešty, u harderobie Iryny sustrakajucca i rečy z mas-markietu. Naprykład, hetaja sukienka ad «Zary».

Abielskaja
Fota: belta.by

Admysłovaj luboŭju Abielskaj karystajucca sumki. Akramia Chanel, pra jakuju my kazali vyšej, u kalekcyi žančyny jość zialony aksiesuar ad Louis Vuitton. U brendavym buciku takuju ​​madel užo znajści składana — jana davoli staraja, ale na sajtach-resejłach takaja kaštuje bolš za 2 tysiačy dalaraŭ.

Abielskaja
Fota: sajt-resejł

Na jaje fonie sumka ad italjanskaha brenda Salvatore Ferragamo koštam 450 dalaraŭ biez uliku źnižki prosta hublajecca.

Abielskaja
Fota: sajt-resejł

Niadaŭna my zazirali ŭ harderoby i inšych žančyn, nabližanych da Łukašenki. Pahladzieć, što nosiać jaho niaviestki, možna ŭ hetym artykule.

***

Jak Abielskaja dasiahnuła svajho pałažeńnia?

Iryna Abielskaja (dziavočaje proźvišča Pastajałka) naradziłasia ŭ 1965 hodzie ŭ Breście. Skončyła Minski dziaržaŭny miedycynski instytut. U aŭdytoryjach alma-mater Iryna sustreła svajho budučaha muža — Jaŭhiena Abielskaha. Nieŭzabavie ŭ pary naradziŭsia syn Dźmitryj. Zrešty, šlub praciahnuŭsia niadoŭha.

Abielskaja

Abielskaja i Alaksandr Łukašenka paznajomilisia, kali žančynie było 29 hadoŭ — u 1994 hodzie. Tady Administracyja Łukašenki abjaviła niehałosny «kastynh» na rolu asabistaha ŭrača pieršaj asoby dziaržavy. Kryteryi pošuku byli dziŭnymi: miedyka šukali nie pa prafiesijnych navykach, a pa pałavoj prykmiecie. Čakałasia, što hetuju pasadu pavinna zaniać niezamužniaja žančyna va ŭzroście kala 30 hadoŭ, pryjemnaj źniešnaści, jakaja maje dzicia — čamuści mienavita chłopčyka.

Abielskaja
Fota: Facebook

U staličnych miedustanovach zapytali asabistyja spravy žančyn-uračoŭ, jakija padychodziać pad hetyja krytery. U 9-j haradskoj balnicy, dzie na toj momant pracavała Iryna, padobnych kandydatak akazałasia try. Pašancavała Abielskaj.

Ź ciaham času jana zbliziłasia z kiraŭnikom krainy, i karjera pajšła ŭharu. U 2001 hodzie, pavodle pratekcyi novaha «ziacia», maci Iryny, Ludmiła Pastajałka, zaniała pasadu pieršaha namieśnika ministra zdaroŭja (a paśla i ministra), a sama Iryna stała hałoŭnym doktaram respublikanskaj balnicy Kiraŭnictva spraŭ Łukašenki. U 2004 hodzie stanovišča žančyny ŭmacavała naradžeńnie syna Koli. 

Zrešty, u bijahrafii Abielskaj byli i čornyja pałosy. Na niekalki hadoŭ Irynu sasłali pracavać zvyčajnym doktaram UHD, ale ŭ 2009-m viarnuli ŭ kiraŭnictva lečkamisii.

abielskaja
Fota: tut.by

Niadaŭna Abielskuju znoŭ stali adpraŭlać u dalokija kamandziroŭki. Tak, u składzie biełaruskaj delehacyi žančyna ŭžo dvojčy naviedała Zimbabve.

«Naša Niva» — bastyjon biełaruščyny

PADTRYMAĆ

Kamientary23

  • dočka Maksima Dizajniera
    27.01.2024
    niešta na apošnich fota jana vyhladzić niejak nie očyń
    kudy joj zadanacić?
  • słova pisiuna
    27.01.2024
    Nu a što, na ŭschodzie jo Kabajeŭ Vova, a tut Abielski Saša.
  • Toj samy
    27.01.2024
    Iłan Mask padaryŭ.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma

KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma

Usie naviny →
Usie naviny

Tramp daručyŭ adkryć turmu dla asabliva niebiaśpiečnych złačyncaŭ na vostravie Alkatras1

«Na Rastvo padaryli 5 kiłahramaŭ rysu». Biełaruska ŭ 65 hadoŭ pierajechała ŭ Hanu i zajmajecca manikiuram1

Ci ŭklučać u Biełarusi aciapleńnie z-za chałodnaha nadvorja, adkazali ŭ ŽEU

«Eternaŭt»: arhiencinski Netflix vypuściŭ šmatznačny sieryjał pra apakalipsis2

Kamisar ES: Jeŭrasajuz udvaja pavialičyć dapamohu Ukrainie, kali Tramp nie pierakanaje Pucina zaklučyć mir3

U niadzielu roźnica maksimalnych tempieratur u Biełarusi skłała 15 hradusaŭ

U Breście patanuŭ čatyrochhadovy chłopčyk. Ratavalnikam udałosia viarnuć jaho da žyćcia

Vučonyja nazvali kolkaść krokaŭ, jakaja ratuje ofisnych rabotnikaŭ16

Ryžankoŭ dakłaŭ Ejsmant, što nakałoŭ droŭ15

bolš čytanych navin
bolš łajkanych navin

KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma

KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma

Hałoŭnaje
Usie naviny →

Zaŭvaha:

 

 

 

 

Zakryć Paviedamić