Biełaruś i Rasija stvaryli kamisiju dla «abarony histaryčnaj praŭdy»
Biełaruś i Rasija zajmajucca stvareńniem supolnaj kamisii, jakaja, pavodle zadumy, budzie abaraniać «histaryčnuju praŭdu» i spryjać raźvićciu aśvietnickaj dziejnaści ŭ histaryčnaj śfiery. Pra heta zajaviŭ pasoł Rasii ŭ Biełarusi Barys Hryzłoŭ.
Adpaviedny miemarandum ab uzajemarazumieńni pamiž Mižviedamasnaj kamisijaj histaryčnaj aśviety pry prezidencie Rasii i Respublikanskaj radaj histaryčnaj palityki pry Łukašenku byŭ padpisany 25 studzienia ŭ Minsku.
Miemarandumam praduhledžana stvareńnie supolnaj rasijska-biełaruskaj kamisii pa historyi. Jaje metaj, jak miarkujecca, budzie kaardynacyja «dvuchbakovych namahańniaŭ, źviazanych z abaronaj histaryčnaj praŭdy, zachavańniem pamiaci pra našuju ahulnuju historyju, što adlustroŭvajecca ŭ tym liku ŭ navučalnaj litaratury, a taksama z raźvićciom aśvietnickaj, ekśpiertnaj, kansultacyjnaj i inšaj hramadska značnaj dziejnaści ŭ halinie historyi», paviedamiŭ Hryzłoŭ.
Podpisy pad dakumientam pastavili staršynia Rasijskaha vajenna-histaryčnaha tavarystva Uładzimir Miadzinski i staršynia administracyi Łukašenki Ihar Sierhiejenka.
Kamientary