24 hady tamu, letam 2000 hoda, na darozie pamiž Domam handlu i kaściołam u Ščučynie byŭ znojdzieny trup mužčyny z prykmietami hvałtoŭnaj śmierci. Rasśledavańnie ni da čaho nie pryviało, i zdavałasia, što vinavaty tak i nie budzie znojdzieny dy pakarany. Ale na dapamohu pryjšli novyja technałohii, piša rajonnaja hazieta «Dziańnica».
Padazravany ŭ śledstva byŭ i čverć stahodździa tamu, i ślady na miescy złačynstva jon pakinuŭ. Ale dakazać jahonuju datyčnaść da zabojstva dastupnyja ŭ toj čas technika-kryminalistyčnyja srodki nie dazvolili, tamu ad hetaha čałavieka musili adstupicca. Ale z pola hledžańnia jaho nie vypuskali.
«Za padazravanym uvieś hety čas vioŭsia kantrol, — raskazaŭ načalnik adździaleńnia kryminalnaha vyšuku kryminalnaj milicyi Ivan Ramanoŭski. — U 2023 hodzie złamyśnik — žychar horada Ščučyna — ździejśniŭ zamach na zabojstva mužčyny, ź jakim jon sumiesna raśpivaŭ śpirtnyja napoi. A pakolki raniej byŭ vyjaŭleny i kanfiskavany hienietyčny adbitak z adzieńnia zabitaha ŭ 2000-m, hety śled vyrašyli supastavić z DNK padazravanaha. I ślady supali».
Padobnaja hienietyčnaja identyfikacyja stała dastupnaj dla siłavikoŭ u Biełarusi nie tak daŭno, u 2000 hodzie takoj technałohii jašče nie było. Akramia taho, milicyja jašče raz praviała pracu svajakoŭ i znajomych zabitaha, znoŭku apytała śviedak. U vyniku fihurant całkam pryznaŭ svaju vinu pa złačynstvie 24-hadovaj daŭniny. U kancy śniežnia kryminalnaja sprava pieradadziena ŭ sud.
Viadoma, što aryštavany mužčyna nieadnarazova sudzimy, nidzie nie pracuje. Jamu pahražaje da 25 hadoŭ pazbaŭleńnia voli.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary