Naładžvajuć antydronavyja sistemy.
U troch rehijonach Rasii — Leninhradskaj, Naŭharodskaj i Pskoŭskaj abłaściach — da 30 studzienia pa načach buduć adklučać suviaź 4G, kab siłaviki mahli naładzić antydronavyja sistemy, piša The Moscow Times sa spasyłkaj na Kommiersant.
«Jość daručeńnie Minličby. Apieratarskaje abstalavańnie pracuje karektna, na našym baku niama nieabchodnaści ŭ adklučeńniach», — adznačyŭ adzin z surazmoŭcaŭ.
Pieršapačatkova mierkavałasia, što suviaź standartu LTE u rehijonach budzie adklučanaja nie tolki ŭ načny, ale i ŭ dzionny čas, dadała inšaja krynica.
«Adklučeńnie nočču — kampramis, tym nie mienš my ŭsio roŭna atrymlivajem skarhi jak ad fizičnych, tak i ad jurydyčnych abanientaŭ», — kaža surazmoŭca ŭ adnym z apierataraŭ.
Jašče adna krynica «Kommiersanta» ŭ halinie vykazała mierkavańnie, što ŭzmacnieńnie biaśpieki na Paŭnočnym zachadzie Rasii spatrebiłasia ŭ suviazi z pajezdkami Pucina: 26 studzienia jon prybyŭ u Sankt-Pieciarburh napiaredadni hadaviny źniaćcia błakady Leninhrada.
Adklučeńnie pasłuh LTE moža pieraryvać pracu vydzielenych karparatyŭnych sietak i dadatkaŭ telematyki, jakija patrabujuć šyrokapałosnaha padłučeńnia, kaža analityk telehram-kanała abloud62 Alaksiej Bojka.
«Naprykład, mohuć nie pracavać sistemy videanazirańnia i videaanalityki, kamiery ŭ jakich padklučany biespravadnym sposabam», — rastłumačyŭ ekśpiert.
Taksama moža ŭskładnicca praca płaciežnych servisaŭ: jość ryzyki prablem ź bieznajaŭnaj apłataj praz terminały abo pry źniaćci hrošaj praz bankamaty, jakija nie majuć pravadnoha abo Wi-Fi-złučeńnia.
Kamientary
dronostalhirovať na vsiakuju driemučuju chrień iz sovka, počiemu nie pieriechodiat na provodnyje modiemy i dial-up? Ili modiemy - eto nie to, napominaniječto vo vsiem vinovat Hajdaro lichich dievianostych? Chotieli žie vzad v sssr, začiem im intierniet?