Słavuty režysior treci raz uźjadnajecca z Bredam Pitam u apošnim filmie Tarancina «Kinakrytyk».
Minuły raz Pit atrymaŭ «Oskar» za najlepšuju mužčynskuju rolu druhoha płanu ŭ filmie «Adnojčy ŭ Halivudzie» 2019 hoda, dzie jon syhraŭ akciora-dubiora Klifa Buta, a taksama źniaŭsia ŭ Tarancina ŭ «Biassłaŭnych vybladkach». Tam jon syhraŭ lejtenanta Alda Rejna — kamandzira jaŭrejska-amierykanskaha atrada tahačasnych śpiecnazaŭcaŭ.
Film budzie źniaty na Sony Pictures, pradziusaram vystupić Stejsi Šer, reliz filma namiečany na 2025 hod, piša Deadline.
Tarancina nie raskryvaje padrabiaznaści budučaj 10-j stužki, jakaja mahčyma stanie apošniaj u režysiora, jaki kazaŭ, što spynicca na 10-m filmie.
Ale ŭ mai Tarancina raspavioŭ, što padziei buduć razhortvacca ŭ 1977 hodzie. Historyja zasnavana na asobie realnaha čałavieka-kinakrytyka, jaki nikoli nie byŭ pa-sapraŭdnamu znakamity i pisaŭ recenzii na filmy dla pornahrafičnaha časopisa. Imavierna, natchnieńnie pastanoŭščyk čerpaŭ z padziej, jakija adbyvalisia ź im. Da taho jak prasłavicca, Tarancina padpracoŭvaŭ, zahružaŭ u aŭtamat filmy dla darosłych.
Režysior pryznaŭsia, što ŭ adnym ź ich jamu padabaŭsia raździeł, pryśviečany kino. Byŭ adzin krytyk, jaki zrabiŭ na budučuju znakamitaść asablivaje ŭražańnie.
Zorka Tarancina ŭzyšła paśla vychadu filma «Šalonyja sabaki» 1992 hoda, u jakim źnialisia Charvi Kiejtel, Cim Rot, Styŭ Bušemi, Majkł Medsen. Hetyja akciory i dalej zdymalisia ŭ filmach Tarancina. A suśvietnaja słava pryjšła da Tarancina ŭžo z «Kryminalnym čytvom».
Što da Breda Pita, to jon staŭ suśvietna viadomym paśla filma «Intervju z vampiram» 1994 hoda.
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii14
Kamientary