Śviet1717

Traich izrailcian užo niekalki dzion trymajuć u izalatary minskaha aeraporta. Što adbyvajecca?

Izrailskija telehram-kanały apublikavali videa, na jakim hramadzianin Izraila raskazvaje pra toje, jak jaho razam ź siabrami paśla prylotu zatrymali ŭ minskim aeraporcie i aktyŭna vyvučali źmieściva telefonaŭ. Sa słovaŭ mužčyny, siłavikam nie spadabalisia znojdzienyja foty sałdat CACHAŁ (Armii abarony Izraila).

Kadry ź videa, na jakim izrailcianin raspaviadaje pra zatrymańnie ŭ minskim aeraporcie paśla prylotu ŭ Biełaruś. Samo videa zapisana ŭ izalatary aeraporta. Krynica: telehram-kanał «Izrailskije Trudovyjebudni»

Pavodle infarmacyi telehram-kanała «Izrailskije Trudovyje budni», pazaŭčora ŭ Nacyjanalnym aeraporcie «Minsk» paśla prylotu zatrymali troch hramadzian Izraila i źmiaścili ŭ izalatar aeraporta.

Dakładnaja pryčyna zatrymańnia nieviadomaja, adnak sa słoŭ adnaho ź izrailcian, jaki zapisaŭ videa ź izalatara, biełaruskija siłaviki zacikavilisia fatahrafijami sałdat izrailskaj armii, znojdzienymi ŭ telefonach mužčyn.

«Ja razam ź jašče dvuma siabrami prylacieli ŭčora nočču ŭ Minsk i na pašpartnym kantroli nas adviali ŭ bok dla dopytu i pieratrusu. U nas zabrali telefony i aktyŭna ich praviarali, pakul nie znajšli fatahrafii izrailskich sałdat, navat nie našy, bo my nie słužyli.

Adzin aficer spytaŭ, chto hetyja sałdaty, i my adkazali, što častka ź ich — našy siabry, a astatnich nie viedajem. U vyniku aficer vyrašyŭ, što my złačyncy, i adpraviŭ nas u izalatar», — raspaviadaje izrailcianin Lior Junan na videa, jakoje było apublikavana 2 lutaha.

Mužčyna na momant zapisu videa adznačyŭ, što ŭ jaho ź siabrami kanfiskavali bahaž i što jany znachodziacca ŭ izalatary ŭžo dva dni ŭ adnoj i toj ža vopratcy i amal biez vady i ježy.

Pry hetym izrailcianin dadaŭ, što pradstaŭnica pasolstva Izraila ŭ Biełarusi zmahła prynieści krychu vady i ježy, adnak jana «bajałasia kazać šmat».

«My dahetul nie viedajem, što rabić. Pradstaŭnica pasolstva zajaviła, što sama baicca kazać zanadta šmat.

Pa vyniku nam skazali čakać supracoŭnika avijakampanii Flydubai, praź jakuju my i prylacieli ŭ Biełaruś», — raskazaŭ Lior Junan.

Adznačym, što pasolstva Izraila ŭ Biełarusi pakul nie kamientavała situacyju publična. Maŭčyć i biełaruskaje MZS.

Kamientary17

  • Izrailtianin
    03.02.2024
    Nu kak minimum odnoho izrailskoho hraždanina v 20-m iźbili siłoviki. On jeŝio kakije-to śvidietielstva iskał i žałoby podavał v Izraile. I ničieho.
  • Hańba
    03.02.2024
    Nu, ambasada Izraila ŭ svoj čas znatna palizała režymu. Čakali ŭdziačnaści?
  • babrujčanin
    03.02.2024
    U aeraporcie Tiel Aviva biez tłumačieńnieu hramadzian rB ź Vizami viartali ...i ni tolki ź Biełarusi.Nijakich konsułau pasłou ..Šarahovaja pracaunica na kantrole u ajeraporcie i nijakich kancou tłumačieńniau..Pavodziać cicha z pasolstva)) hieta Vam ni Taiłand.

Ciapier čytajuć

70-hadovuju žančynu z Homiela pasadzili za kamientary. Heta samaja pažyłaja palitźniavolenaja15

70-hadovuju žančynu z Homiela pasadzili za kamientary. Heta samaja pažyłaja palitźniavolenaja

Usie naviny →
Usie naviny

Były analityk «Minskaha dyjałohu»: Duraść zaviała Rasiju ŭ stratehičny tupik21

Litoŭskaja raźviedka papiaredziła biełarusaŭ, što ich imkniecca zavierbavać KDB7

Vystavili na aŭkcyjon kvateru z samaha vysokaha ŭ Biełarusi panelnaha chmaračosa

Na adkryćcio doma Sajuza žančyn Kačanava pryjšła pa-paradnamu, a Jarmošyna — jak turystka FOTY2

Pamior akcior i restler Chałk Chohan2

Kavieryn nie budzie vykazvacca pra situacyju Stryžaka. Kab nie vykraślili z prafiesii i jaho28

U minskim mietro źjaviłasia novaja schiema linij, mnohim pasažyram nie padabajecca dyzajn3

Były hiendyrektar Tut.by Alaksandr Čekan — pra partał, Zisiera, startapy i prahnoz pa raźvićci technałohij7

Cichanoŭskaja pra spravu Stryžaka: Toje, što zrabiŭ kiraŭnik — nie padstava razburać fundamient10

bolš čytanych navin
bolš łajkanych navin

70-hadovuju žančynu z Homiela pasadzili za kamientary. Heta samaja pažyłaja palitźniavolenaja15

70-hadovuju žančynu z Homiela pasadzili za kamientary. Heta samaja pažyłaja palitźniavolenaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić