19-hadovyja Kacia i Liza pracujuć vieterynarnymi fielčarami na fiermie. Sami jany haradskija, ale paśla ahrarnaha kaledža los zakinuŭ dvajniat u viosku za 60 kiłamietraŭ ad rodnaha Bresta.
Pra dziaŭčat piša «Źviazda».
— U nas na fiermie ŭtrymlivajecca 1600 hałoŭ bujnoj rahataj žyvioły. I ŭsie — cialaty, karovy, ciałuški — pavinny być zdarovyja. Tamu našym kłopatam źjaŭlajecca vakcynacyja, prafiłaktyka, lačeńnie. Raboty mnoha, — kaža Lizavieta. — Rabota vielmi nialohkaja, ale my spraŭlajemsia, pryzvyčailisia ŭžo.
Na pracu ŭ filijał «Kamaroŭka Ahra» AAT «Batčy» Bresckaha rajona dziaŭčaty pryjšli ŭ mai minułaha hoda adrazu paśla zakančeńnia ahrarnaha kaledža Viciebskaj dziaržaŭnaj akademii vieterynarnaj miedycyny. Kaledž znachodzicca ŭ vioscy Łužasna pad Viciebskam. Dvajniatki, brastaŭčanki, haradskija dziaŭčynki, jakija nie asabliva ŭjaŭlali sabie sielskaje žyćcio, pastupili tudy paśla dzieviaci kłasaŭ.
Mama ich, viadoma, adrazu spužałasia, kali siostry abjavili ab svaim rašeńni jechać na vučobu. Stała adhavorvać, jano i nie dziva: dziaŭčynkam tolki pa 15 hadoŭ było. Ale ž potym rašyłasia adpuścić dačok, bo jany, pa-pieršaje, udźviuch, a pa-druhoje, zaŭsiody byli adkaznyja, metanakiravanyja. Nu i vielmi lubiać katoŭ, sabak, inšuju žyŭnaść. Lačyli damašniaha kocika, jašče kali małyja byli. Užo potym, kali Kaciaryna i Lizavieta buduć pracavać, a nieśviadomyja hramadzianie padkinuć na fiermu dvuch kacianiat, dziaŭčaty adviazuć ich u Brest, da baćkoŭ.
I mama pahodzicca da svaich dvuch damašnich katoŭ uziać jašče dvuch padkidyšaŭ…
— Zarpłata ŭ nas dobraja, — dzielacca Liza i Kacia. — Heta, niesumnienna, stanoŭčy bok raboty. My adčuvajem siabie niezaležnymi ŭ materyjalnym płanie. Žyllom nas zabiaśpiečyli, na dvaich vydzielili pakoj u dvuchpakajovaj kvatery z dobrym ramontam, naboram mebli, bytavoj techniki. Adnym słovam, usio nieabchodnaje dla žyćcia majem. Hatujem sabie sami, jašče padčas vučoby navučylisia.
Dalej u płanach dvajniat — atrymańnie vyšejšaj adukacyi. Abiedźvie pastupili na zavočnaje adździaleńnie vieterynarnaj akademii. I litaralna praz tydzień źbirajucca na siesiju.
Ekzatyčnyja kankurenty kocikaŭ. Jakich niezvyčajnych chatnich hadavancaŭ možna sustreć u biełaruskaj pravincyi
«Jak vyžyć ciapier pčalaru? Na inšuju pracu iści». Pčalar z Mahiloŭščyny raskazaŭ, čamu raniej lubimaja sprava ciapier nie daje prybytku
«Varta paabdymacca z našymi žyviołami — i nastroj padymajecca». Hrodzienskaja siamja znajšła ščaście ŭ hadavańni žyvioły i vyrabie syroŭ
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna6
Kamientary