76-hadovy piensijanier ź Viciebska Barys Chamajda, viadomy svajoj šmathadovaj aktyŭnaj hramadzianskaj pazicyjaj, siońnia pryjšoŭ na pryznačany jamu sud, ale akazałasia, što sudździ pra heta nie ŭ kursie.
«2 lutaha 2024 hoda ŭ Pieršamajskim RAUS horada Viciebska na mianie skłali druhi pratakoł ab administratyŭnym pravaparušeńni i ŭručyli pozvu na paniadziełak, 5 lutaha. Siońnia źjaviŭsia ŭ sud, ale mnie paviedamili, što nijakaj spravy niama. Źviarnuŭsia ŭ kancylaryju suda, tam paraili patelefanavać u RAUS i daviedacca pra hetuju spravu», — apisaŭ situacyju sam Chamajda ŭ fejsbuku.
«Nie źbirajusia rabić ichniuju pracu. Niachaj zaraz šukajuć mianie. Kali pryjdziem da ŭłady — zakonnaść i paradak zabiaśpiečym u adpaviednaści ź lehitymnaj Kanstytucyjaj 1994 hoda», — zajaviŭ aktyvist.
Barysa Chamajdu zatrymali 23 studzienia padčas masavaha chapuna, jaki išoŭ u tyja dni pa ŭsioj Biełarusi. Praz amal dvoje sutak, praviedzienych u Viciebskim SIZA, jaho vypuścili na volu da suda, pryznačanaha na 2 lutaha. Pieršamajski rajonny sud prysudziŭ jamu 600 rubloŭ štrafu, ale adrazu paśla taho piensijaniera zavieźli ŭ RAUS i skłali na jaho jašče adzin pratakoł.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary