Navuka i technałohii

U Kitai praviali vyprabavańnie ciahnika, jaki abiacaje być chutčejšym za samalot

U apošnim vyprabavańni zvyšpravodnaha hipierpietlavoha ciahnika, jaki ruchajecca na mahnitnaj padviescy, kitajskaja kampanija pastaviła rekord chutkaści. Heta adkryvaje novyja mahčymaści dla budučaha vysokachutkasnaha transpartu.

T-Flight
Ciahnik na mahnitnaj padviescy T-Flight. Skryn videa: radetskiyrady6316 / YouTube

Kitajskaja karparacyja aerakaśmičnaj navuki i pramysłovaści (CASIC) na dniach abviaściła, što jaje novy ciahnik na mahnitnaj padviescy (mahleŭ) padčas vyprabavańniaŭ razahnaŭsia da chutkaści zvyš 623 km/h. Pa danych kampanii, heta samaja vysokaja chutkaść, jakaja kali-niebudź była dasiahnuta zvyšpravodnym transpartnym srodkam na mahnitnaj padviescy.

Jak paviedamlaje New Atlas, CASC zajmajecca prajektavańniem, raspracoŭkaj i vyrabam šyrokaha śpiektru techniki — ad kaśmičnych karabloŭ da rakiet, ale ŭ ciapierašni čas pracuje nad hipierpiatloj ci vakuumnym ciahnikom.

Kampanija pabudavała poŭnamaštabnuju vyprabavalnuju liniju nizkavakumnaj truby daŭžynioj prykładna 2 kiłamietry na abjekcie ŭ kitajskaj pravincyi Šańsi. Dla daviedki: kali atmaśfierny cisk na ŭzroŭni mora składaje kala 1 bar, «nizki vakuum» znachodzicca ŭ dyjapazonie ad 0,3 da 0,001 bar.

Za apošnija niekalki miesiacaŭ tam było praviedziena mnostva vyprabavańniaŭ, ale ŭpieršyniu vysokachutkasny levitalny aparat — ciahnik T-Flight — pabiŭ rekord chutkaści. Paviedamlajecca, što jon pieraadoleŭ samuju vysokuju zarehistravanuju chutkaść na mahnitnaj padviescy 603 km/h, ustanoŭlenuju ŭ kastryčniku minułaha hoda.

Jak vynikaje z nazvy, sistema mahnitnaj levitacyi (ci mahleŭ) vykarystoŭvaje mahnity, kab ssunuć ciahnik z rejek i prasunuć jaho napierad. Ciahnik nie dakranajecca rejek i trymajecca ŭ pavietry dziakujučy sile mahnitaŭ, jakija stvarajuć pavietranuju padušku, pa jakoj jon jedzie.

Takim čynam, zvyšpravodnaja mahnitnaja padvieska efiektyŭna pamianšaje treńnie, dazvalajučy ciahniku ruchacca praktyčna biez supracivu. Adzinaj siłaj, jakaja tarmozić, zjaŭlajecca aeradynamičnaje supraciŭleńnie.

Pakolki takija ciahniki nie stvarajuć pramych vykidaŭ, jany taksama bolš karysnyja dla navakolnaha asiarodździa. Da taho ž mahleŭ-ciahniki vielmi cichija, tamu što niama šumu ad kołaŭ, jakija kranajucca rejek. Takija ciahniki ŭžo vykarystoŭvajucca ŭ Kitai, Paŭdniovaj Karei i Japonii.

U CASIC zajavili, što na druhim etapie vyprabavańniaŭ trasa budzie pašyrana da 60 kiłamietraŭ, kab T-Flight moh raźvivać jašče bolš vysokija chutkaści. Čakajecca, što ŭ kančatkovym vyniku ciahnik dasiahnie chutkaści 1000 km/h. Dla paraŭnańnia: samy chutki avijałajnier, jaki zaraz znachodzicca ŭ niebie, Boinh 747, maje maksimalnuju chutkaść 1049 km/h.

Čytajcie jašče:

Hiermanija pieradumała nakont vadarodnych ciahnikoŭ

U Dubai adbuducca honki ŭ reaktyŭnych kaściumach. Što za jany?

Ź Minska chočuć zapuścić ciahnik u Maskvu z chutkaściu da 400 km/h. Što nie tak z prajektam?

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia19

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia

Usie naviny →
Usie naviny

Markiełaŭ, Nahornaja i Hudzilin adkryvajuć u Vilni prastoru z łaźniaj6

Miadzinski choča adpravić hiensaku NATA padručnik historyi, kab dakazać, što «Ukrainy ŭ XII stahodździ nie było»15

U Estonii supracoŭnicu «Rasii siehodnia» asudzili na šeść hadoŭ za dziaržzdradu2

Jašče adno vialikaje skaračeńnie ŭ biełaruskim hiejmdevie2

Bolš za 50 jeŭra za 180 km darohi. Čamu rastuć ceny na aŭtobusnyja kvitki ź Miensku ŭ Vilniu12

Nie ihnarujcie hetyja źmieny skury — jany mohuć śviedčyć pra pačatak dyjabietu6

Pasoł Vienhryi pa-majstersku syhrała na arhanie ŭ kaściole ŭ Mahilovie3

Prezident Sierbii Vučyč upieršyniu z pačatku vajny naviedae Ukrainu1

Aŭtobus z 22 pasažyrami, mikraaŭtobus i lehkavy aŭtamabil patrapili ŭ DTZ na trasie M-1 u Baranavickim rajonie. Jość zahinuły1

bolš čytanych navin
bolš łajkanych navin

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia19

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić