Eks-kiraŭnika homielskaha Bielinviestbanka sudziać pa troch artykułach. Dva ź ich niečakanyja
Adzin palityčny, adzin narkatyčny i adzin ekanamičny.
Aleh Harełaŭ — vypusknik kamiercyjnaha fakulteta Biełaruskaha handlova-ekanamičnaha ŭniviersiteta spažyvieckaj kaapieracyi. U «nulavyja» Aleh Harełaŭ moh pracavać va ŭpraŭleńni pa baraćbie z ekanamičnymi złačynstvami MUS. Prynamsi čałaviek z takimi ž imiem i proźviščam aktyŭna davaŭ kamientary rajonkam z roznaj nahody, ale pierastaŭ kala 2009 hoda.
U 2010-ch jon pracavaŭ u Delta-Banku i ŭźniaŭsia tam da načalnika Centralnaha bankaŭskaha ŭpraŭleńnia. Bank zbankrutavaŭ u 2015-m. Imavierna, paśla hetaha Harełaŭ pierajšoŭ u Bielinviestbank.
Tam Harełaŭ daros da kiraŭnika dyrekcyi Bielinviestbanka pa Homielskaj vobłaści. Apošniaja navina pra jaho datujecca lutym 2023-ha. A ŭ śniežni 2023-ha kiraŭnikom zamiest jaho naznačyli Paŭła Jurkaŭca, byłoha kiraŭnika Bielinviestbanka pa Mazyry.
Sud nad Aleham Harełavym pačaŭsia 8 lutaha ŭ Homielskim abłasnym sudzie. Jaho vinavaciać pa troch artykułach: «atrymańnie chabaru ŭ asabliva bujnym pamiery» (č. 3 art. 430), «raspalvańnie varožaści» (č. 1 art. 130) i «niezakonnyja vyrab, pierapracoŭka, nabyćcio, zachoŭvańnie, pieravozka abo pierasyłka narkatyčnych rečyvaŭ biez mety raspaŭsiudu» (č. 1 art. 328). Jamu pahražaje da 15 hadoŭ turmy.
Nahadajem, prablemy ŭ Bielinviestbanka pačalisia ŭ krasaviku 2022-ha, kali byŭ zatrymany były kiraŭnik «Bielinviesta» Andrej Bryšcieleŭ. Sud na im pačaŭsia ŭ śniežni 2023 hoda. Bankira sudzili za atrymańnie chabaru — jon dapamoh biznesoŭcu uziać kredyt, jaki toj nie musiŭ atrymlivać zhodna z bankaŭskimi pratakołami.
«Naša Niva» — bastyjon biełaruščyny
PADTRYMAĆ
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary