Zatrymany hiendyrektar «Mapida». Imavierna, pa spravie byłoha namieśnika staršyni Minharvykankama
Jak stała viadoma «Našaj Nivie», dniami byŭ zatrymany Mikałaj Miłašeŭski — hienieralny dyrektar najbujniejšaj dziaržaŭnaj budaŭničaj kampanii «Mapid».
Mikałaj Miłašeŭski — fihura ŭ budaŭničych kołach prykmietnaja. Namieśnik kiraŭnika Sajuza budaŭnikoŭ Biełarusi, «Minčanin hoda — 2010», łaŭreat uradavych premij. Zasłužany i viadomy budaŭnik, jaki ŭznačalvaje «Mapid» z 2016-ha.
Da taho piać hadoŭ jon uznačalvaŭ «Minskbud», a jašče raniej prajšoŭ amal usiu karjernuju leśvicu ŭ 15-m Budtreście.
Miłašeŭski byŭ adnym z kiraŭnikoŭ padčas uźviadzieńnia pałaca dla Łukašenki na praśpiekcie Pieramožcaŭ.
Jaho zatrymańnie adbyłosia dniami.
Padrabiaznaści pretenzij nam nieviadomyja, ale viadoma, što zatrymańnie Miłašeŭskaha adbyłosia ŭ ramkach spravy suprać byłoha namieśnika staršyni Minharvykankama Dźmitryja Mikulonka, jaki kuryravaŭ budaŭnictva ŭ stalicy.
Čytajcie taksama: Zatrymali čynoŭnika, jaki zabaraniŭ viernikam malicca kala Čyrvonaha kaścioła
Farmalna «Mapid» — akcyjaniernaje pradpryjemstva, pryvatnaja kampanija, ale pa fakcie ŭsie akcyi naležać dziaržavie ŭ roznych jaje jurydyčnych prajavach.
«Mapid» — heta bujny vytvorca budaŭničych materyjałaŭ i niepasredna kampanija-budaŭnik poŭnaha cykła.
U lepšyja hady jana budavała da 650 tysiač kvadratnych mietraŭ u hod. Pad dźvie traciny ŭsiaho žylla ŭ stalicy i ciapier budujecca «Mapidam».
Paśla pratestaŭ Miłašeŭski zvolniŭ dziasiatki ludziej, jakija padtrymlivali demakratyčnyja źmieny.
«Naša Niva» — bastyjon biełaruščyny
PADTRYMAĆCiapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary