Alaksandr Syrski raskazaŭ, za košt čaho źbirajecca pieramahać u vajnie
Pryznačany 8 lutaha novy Hałoŭnakamandujučy USU Alaksandr Syrski zrabiŭ pieršuju zajavu na hetaj pasadzie. U joj jon raskazaŭ pra płanavańnie bajavych dziejańniaŭ, vajennuju łahistyku, adnaŭleńnie vajskovych čaściej i «budučyja viektary pabudovy pieramohi». Zajavu jon apublikavaŭ u svaim telehram-kanale.
Z «novych zadač» Syrski ŭ pieršuju čarhu nazvaŭ «detalovaje płanavańnie dziejańniaŭ usich orhanaŭ vajskovaha kiravańnia, abjadnańniaŭ, złučeńniaŭ i čaściej z ulikam patrebaŭ frontu ŭ najnoŭšaj zbroi, jakaja pastupaje ad mižnarodnych partnioraŭ».
Taksama jon zajaviŭ pra važnaść vajennaj łahistyki i kvalifikacyi asabovaha składu, a hałoŭnaj kaštoŭnaściu USU nazvaŭ žyćci i zdaroŭje vajskoŭcaŭ.
«Tamu zachavańnie bałansu pamiž vykanańniem bajavych zadač i adnaŭleńniem čaściej i padraździaleńniaŭ — ź intensifikacyjaj padrychtoŭki asabistaha składu — zastajecca jak nikoli aktualnym», — napisaŭ Syrski.
«Adnym z budučych viektaraŭ pabudovy pieramohi ŭ našaj vyzvalenčaj vajnie» kamandujučy nazvaŭ šyrokaje prymianieńnie bieśpiłotnych sistem i sučasnych srodkaŭ radyjoelektronnaj baraćby. A adnym z hałoŭnych składnikaŭ ahulnaha pośpiechu ŭ vajnie — nadziejny tył.
Nahadajem, što 8 lutaha prezident Ukrainy Uładzimir Zialenski abjaviŭ pra zvalnieńnie Valeryja Załužnaha z pasady Hałoŭnakamandujučaha USU i pryznačyŭ zamiest jaho hienierał-pałkoŭnika Alaksandra Syrskaha, jaki raniej zajmaŭ pasadu kamandujučaha Suchaputnymi vojskami.
Što viadoma pra Syrskaha, jaki zamianiŭ hienierała Załužnaha
Jašče adny kadravyja pierastanoŭki va ŭkrainskim vojsku
«Zvalnieńnie Załužnaha aznačaje novy etap u vajnie, Zialenski ryzykuje pamylicca» — The Economist
«Z Załužnym vidavočnaja reč: Zialenski nie moža im kiravać». Ukrainskaje hramadstva i vojska napružyłasia ŭ čakańni losavyznačalnaj adstaŭki
Čamu Zialenski choča źniać Załužnaha? Čatyry pryčyny
Kamientary