Mody

Piać rečaŭ, jakija treba nabyć na viasnu

Da sakavika zastałosia mienš za miesiac, a značyć pryjšoŭ čas padumać nad abnaŭleńniem harderoba da ciopłaha siezona. Prapanujem zachapić naš śpis z saboj u kramu — jon dazvolić paźbiehnuć lišnich pakupak i dapamoža zastacca ŭ trendzie.

Biełaruskija dyzajniery nie adstajuć ad modnaha paradku dnia. Voś jakija rečy jany prapanujuć na hetuju viasnu.

Akcentnyja palito. Epocha sumnaj vierchniaj vopratki syšła ŭ minułaje. Siońnia ŭ modzie akcenty: palito z vyraznaj detalizacyjaj, jarkija ci z hipiertrafavanymi formami.

Fota: instahram BOITSIK

Pry stvareńni trendavaha vobraza nie treba turbavacca ab spałučalnaści — akcentnaje palito u kamplekcie vydatna budzie isnavać samo pa sabie.

Ale, kali rečy z podyumaŭ zdajucca vam zanadta ekstravahantnymi, možna źviarnuć uvahu na kampramisny varyjant: naprykład, na kłasičnyja madeli ad BOITSIK z padoŭžanaj linijaj plača.

Harnitury. Za apošnija niekalki siezonaŭ kaściumy zarekamiendavali siabie nieadjemnaj častkaj žanočaha harderoba. U modzie pary sa štanami, spadnicami ci šortami — hałoŭnaje, kab kroj adroźnivaŭsia ad kłasičnaha, a vynikovy aŭtfit vyklikaŭ cikavaść. Pryhožyja ofisnyja harnitury možna znajści ŭ brenda LSD.

Fota: sajt LSD

Rečy koleru bardo. Z prychodam 2024-ha miesca karminavaha adcieńnia zaniaŭ bardo — i adrazu niekalki bujnych brendaŭ, naprykład, Hermes, Rick Owens, Valentino i Giambattista Valli, pradstavili ŭ svaich novych kalekcyjach rečy raskošnaha koleru čyrvonaha vina. 

Fota: instahram Base.vi/instahram Muashop

Tamu, adpraŭlajučysia na šopinh, varta źviarnuć uvahu na vierchniaje adzieńnie, aksiesuary i sukienki ŭ bardo — apošnija jakraz jość u Base.vi. A staličny brend Muashop padrychtavaŭ amatarkam ciomna-čyrvonaha abjomnuju kurtku-žakiet.

Chuścinka. Łuki hieraiń z halivudskich filmaŭ 60-ch znoŭ stanoviacca aktualnymi. Tak u modu viartajucca šaŭkovyja chustki, paviazanyja ŭ jakaści hałaŭnoha ŭboru ci aksiesuara.

Fota: instahram mastački Ciemry

Mastačka Ciemra raspracavała sieryju chustak ź biełaruskim arnamientam. Z dapamohaj takoj rečy možna nie tolki ŭpryhožyć aŭtfit, ale i ŭšanavać svaje karani: majstarka azdobiła chustki biełaruskimi słovami, napisanymi łacinkaj. Frazy niasuć u sabie ŭspaminy ab domie i dobra zrazumiełyja kožnamu: BIEŁARUSAČKA, SPADČYNA.

Harset. »Bializnavaja» moda viartajecca. Paśla doŭhaha zabyćcia, jakoje ciahnułasia ź siaredziny nulavych, hety trend znoŭ pačaŭ nabirać abaroty. Viarnuli bializnu na podyumy dyzajniery Miu Miu: mienavita jany prapanavali žančynam apranać inkrustavanyja strazami trykatažnyja majtki na kałhotki.

Fota: instahram Magnem/instahram Bleez

Astatnija brendy pajšli dalej i ŭspomnili pra harsety. Ich prapanujuć nasić pavierch cišotak, švedaraŭ i sukienak. Biełaruskija brendy Bleez i Magnem mohuć vyrabić trendavuju reč pa piersanalnych mierkach.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Čeki, usio da dna, kožnuju skrynačku adčyniajuć». Što kažuć pra pravierki na miažy biełarusy, jakija niadaŭna viartalisia z Polščy

«Čeki, usio da dna, kožnuju skrynačku adčyniajuć». Što kažuć pra pravierki na miažy biełarusy, jakija niadaŭna viartalisia z Polščy

Usie naviny →
Usie naviny

Uźbiekistan vyjšaŭ na śled tysiačy hramadzian krainy, jakija mahli padpisać kantrakt na słužbu ŭ rasijskaj armii

Prajšła riepietycyja paradu. Hałoŭny nadpis nad trybunaj napisali z pamyłkaj11

Hładkaja nazvała Bondaravu i Mirsalimavu čarviami. Azaronak i Łukjanaŭ patrabujuć likvidacyi14

U Niderłandach zabity finansist, jaki raskazaŭ pra admyvańnie hrošaj, arhanizavanaje ŭ minskim H Casino4

Pamočnik Cichanoŭskaj Daniła Harkavy i dola nieviadomych10

Daždžy, ciapłyń, paśla zamarazki: voś što treba viedać pra nadvorje na vychadnyja i paśla

Pakładzicie limon u mikrachvaloŭku — piać chvilin kajfu harantavanyja4

«Jon zabyŭsia, što ŭ našaj krainie čas — ništo». Kłasičny kitajska-amierykanski biestseler vyjšaŭ pa-biełarusku1

U Minsk ściahvajecca vajskovaja technika1

bolš čytanych navin
bolš łajkanych navin

«Čeki, usio da dna, kožnuju skrynačku adčyniajuć». Što kažuć pra pravierki na miažy biełarusy, jakija niadaŭna viartalisia z Polščy

«Čeki, usio da dna, kožnuju skrynačku adčyniajuć». Što kažuć pra pravierki na miažy biełarusy, jakija niadaŭna viartalisia z Polščy

Hałoŭnaje
Usie naviny →

Zaŭvaha:

 

 

 

 

Zakryć Paviedamić