Vynieśli prysud pa spravie «Bajpoła». Azaravu dali 25 hadoŭ zavočna
Minski haradski sud pryhavaryŭ pradstaŭnikoŭ i eks-udzielnikaŭ «Bajpoł» sa strukturnymi padraździaleńniami «Situacyjna-analityčny centr» i «Mabilizacyjny płan «Pieramoha» na terminy ad 11 da 25 hadoŭ.
Alaksandr Azaraŭ
Najbolšy termin zavočna pryznačany Alaksandru Azaravu — 25 hadoŭ pazbaŭleńnia voli. Maćviej Kuprejčyk asudžany na 12 hadoŭ.
Taki ž termin prysudzili Uładzimiru Žyharu i Iharu Łobanu. Andreju Astapoviču dali 11 hadoŭ kałonii.
Ciapier čytajuć
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7
Kamientary
Abvinavačanym inkryminavana 11 artykułaŭ Kryminalnaha kodeksu, paviedamlajuć pravaabaroncy.
Siarod ich:
zdrada dziaržavie; arhanizacyja (kiraŭnictva) aktu teraryzmu;
arhanizacyja (kiraŭnictva) naŭmysnaha pryviadzieńnia ŭ nieprydatnaść šlachoŭ znosin;
inšyja dziejańni z metaj zachopu dziaržaŭnaj ułady;
stvareńnie i kiravańnie ekstremisckim farmavańniem, u tym liku paŭtorna;
sadziejničańnie ekstremisckaj dziejnaści;
niezakonnyja dziejańni ŭ dačynieńni da infarmacyi ab pryvatnym žyćci i persanalnych danych;
raspalvańnie inšaj sacyjalnaj varožaści;
paklop na prezydenta.