Łukašenka raskazaŭ pra kontrterarystyčnuju apieracyju ŭ Lelčycach
Pa jaho słovach, tam zatrymali dyviersantaŭ.
Na ahulnaj naradzie Biełkaapsajuza była zakranutaja tema ŭčorašnich padziej u Lelčyckim rajonie, dzie ŭvodziŭsia režym kontrterarystyčnaj apieracyi.
Łukašenka zajaviŭ, što «tolki što» na hranicy złavili niekalkich ukraincaŭ i biełarusaŭ, jakija pierakidvali na terytoryju Biełarusi vybuchoŭku dla teraktaŭ na terytoryi Rasii i Biełarusi.
«Z dapamohaj dronaŭ, pa bałotach niekatoryja z ukrainskich hramadzian pierapaŭzali na našu miažu», — raskazaŭ jon.
«Vy bačycie, što adbyvajecca vakoł. Ale, prabačcie mianie, vy jašče nie ŭsio viedajecie. Skažu vam asnoŭnaje, nie kankretyzujučy. Chutka my vam paviedamim pa ŭsich hetych pytańniach. Siońnia ŭsie žadajuć na Zachadzie, i ŭ avanhardzie našy biełaruskija źbiehłyja (u dačynieńni da Biełarusi, što tyčycca), parazy Rasii ŭ vajnie z Ukrainaj», — adznačyŭ Łukašenka.
Zapałochvańnie pierad vybarami ci inšymi važnymi padziejami ŭ krainie — zvyčajnaja taktyka Łukašenki. U 2006-m pałochali, što apazicyja nibyta choča z dapamohaj miortvaha pacuka atrucić vadu ŭ vadapravodzie. U 2017-m, naprykład, była prydumka pra džyp z dyviersantami, jaki praryvaŭ ukrainskuju miažu. U 2020-m pa lasach Biełarusi nibyta chavalisia sotni vahnieraŭcaŭ.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary
Intieriesno, čieho chotieli diviersanty v biełkoopsojuzie ???
Nikak čierniła iskali ???